17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
ՊՍԺ-ի հաղթանակից հետո Փարիզում անկարգություններ են տեղի ունեցել
Քաղաքականություն
01.06.2025 | 11:41
ՈւԵՖԱ-ի Չեմպիոնների լիգայում «Պարի Սեն-Ժերմեն» (ՊՍԺ) ֆուտբոլային ակումբի պատմության մեջ առաջին հաղթանակը տոնելու ընթացքում, կիրակի՝ հունիսի 1-ի գիշերը ժամը 03:00-ի դրությամբ, Փարիզի ոստիկանությունը ձերբակալել է 294 մարդու։ Այս մասին հայտնում է BFMTV-ն։
Ֆրանսիայի մայրաքաղաքում տեղակայվել են «հսկայական» անվտանգության ուժեր, մոբիլիզացվել են 5400 ոստիկաններ և ժանդարմներ։ Ոստիկանները ձերբակալություններ են իրականացնում հիմնականում երկրպագուների կողմից պայթուցիկ նյութերի օգտագործման համար։ Բացի այդ, ոստիկանության տվյալներով, մի քանի մարդ ներխուժել է Ելիսեյան դաշտերի վրա գտնվող կոշիկի խանութ և թալանել այն։ Այդ միջադեպի արդյունքում ձերբակալվել է 30 մարդ։
Բացի այդ, «Փարիզ Սեն-Ժերմեն»-ի հաղթանակը նշելու ժամանակ Գրենոբլ քաղաքի կենտրոնում ավտոմեքենան մխրճվել է մարդկանց ամբոխի մեջ, տուժել է չորս մարդ։ Նշվում է, որ վիրավորները մեկ ընտանիքից են, որոնցից երկուսի վիճակը գնահատվում է ծանր։
Վարորդը հանձնվել է ոստիկանությանը և այժմ գտնվում է կալանքի տակ։ Գործին ծանոթ աղբյուրը հաստատել է, որ միջադեպը դիտավորյալ գործողություն չի եղել։
Հիշեցնենք՝ Չեմպիոնների լիգայի խաղարկության 2024/25 մրցաշրջանի եզրափակիչում ֆրանսիական ՊՍԺ-ն Մյունխենի «Ալիանս Արենա» մարզադաշտում 5։0 հաշվով ջախջախեց Միլանի «Ինտերին»՝ պատմության մեջ առաջին անգամ նվաճելով եվրոպական ակումբային ֆուտբոլի ամենահեղինակավոր գավաթը։
