07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Իլոն Մասկը հայտարարել է պետական պաշտոնը թողնելու մասին
Քաղաքականություն
29.05.2025 | 10:25
Ամերիկացի միլիարդատեր, գործարար, Tesla-ի և SpaceX-ի ընկերությունների ղեկավար, ինչպես նաև ԱՄՆ կառավարության արդյունավետության դեպարտամենտի (DOGE) ղեկավար Իլոն Մասկը հայտարարել է, որ լքում է կառավարության հատուկ աշխատակցի պաշտոնը, որը նա զբաղեցնում էր ԱՄՆ նախագահ Դոնալդ Թրամփի վարչակազմում։
«Քանի որ իմ՝ որպես հատուկ պետական ծառայողի, աշխատանքային ժամանակը մոտենում է ավարտին, ես կցանկանայի շնորհակալություն հայտնել նախագահ Դոնալդ Թրամփին վատնող ծախսերը կրճատելու հնարավորության համար։DOGE առաքելությունը ժամանակի ընթացքում միայն կամրապնդվի, քանի որ այն կդառնա կենսակերպ ամբողջ կառավարության համար»,- գրել է Մասկը X-ի իր միկրոբլոգում։
Նա կարող է ծառայել որպես հատուկ պետական աշխատակից տարեկան ոչ ավելի, քան 130 օր, ժամկետը լրանում է մայիսի 30-ին։
Նախօրեին էլ Մասկը CBS-ին ասել էր, որ հիասթափված է Թրամփի «մեծ ու գեղեցիկ» հարկային և բյուջետային օրինագծից, որը, նրա խոսքով, խաթարում է ծախսերի կրճատման ջանքերը և կհանգեցնի բյուջետային ավելի մեծ դեֆիցիտի։
Մասկը Թրամփի վարչակազմում ղեկավարել է Կառավարության արդյունավետության դեպարտամենտը (DOGE), որը ստեղծվել էր կառավարության ծախսերը կրճատելու համար, այդ թվում՝ «անարդյունավետ» պաշտոնյաներին աշխատանքից ազատելու միջոցով։
Ըստ լրատվամիջոցների՝ Մասկը սկզբում ցանկանում էր կրճատել ծախսերը երկու տրիլիոն դոլարով, ապա մեկ տրիլիոնով, բայց, ի վերջո, նշաձողն իջեցրել է մինչև 150 միլիարդ դոլարի։
Թարգմանությունը՝ Էմմա Չոբանյանի
