13.01.2026 | 14:49
Սա ինձ համար անձնական ողբերգություն է. Պապիկյանը՝ 15 զինվորի կյանք խլած Ազատի կացարանի հրդեհի մասին. ՏԵՍԱՆՅՈՒԹ
Ռուբիոն և Լավրովը հեռախոսազրույց են ունեցել
Քաղաքականություն
29.05.2025 | 00:13
Ռուսաստանի Դաշնության արտաքին գործերի նախարար Սերգել Լավրովը և ԱՄՆ պետքարտուղար Մարկո Ռուբիոն հեռախոսազրույց են ունեցել: Այս մասին տեղեկացնում է ՌԴ ԱԳՆ-ն։
«Նախարարը Մարկո Ռուբիոյին տեղեկացրել է Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի մայիսի 19-ի պայմանավորվածությունների իրականացման ընթացքի, ինչպես նաև Ստամբուլում ռուս-ուկրաինական ուղիղ բանակցությունների հերթական փուլին ռուսական կողմի կոնկրետ առաջարկների նախապատրաստման մասին:
Ռուբիոն, իր հերթին, ընդգծել է Թրամփի կենտրոնացումը ուկրաինական հակամարտության շուտափույթ ավարտի ուղղությամբ և հայտնել Վաշինգտոնի պատրաստակամությունը՝ աջակցելու կողմերի դիրքորոշումների մերձեցմանը»,- ասված է ՌԴ ԱԳՆ հաղորդագրության մեջ:
Զրույցի ընթացքում անդրադարձ է կատարվել նաև երկկողմ օրակարգի արդիական հարցերին:
Ըստ ՌԴ ԱԳՆ-ի՝ կողմերը հաստատել են Ռուսաստանի և ԱՄՆ արտաքին քաղաքական գերատեսչությունների միջև կառուցողական և փոխադարձ հարգանքի երկխոսությունը շարունակելու փոխադարձ տրամադրվածությունը:
Ավելի վաղ տեղեկացրել էինք, որ Ռուսաստանն Ուկրաինային առաջարկում է հունիսի 2-ին Ստամբուլում անցկացնել ուղիղ բանակցությունների երկրորդ փուլը։
