Քաղաքականություն
28.05.2025 | 21:04
Ռուսաստանն Ուկրաինային առաջարկում է հունիսի 2-ին Ստամբուլում անցկացնել ուղիղ բանակցությունների երկրորդ փուլը։ Այս մասին ասվում է ՌԴ արտգործնախարար Սերգեյ Լավրովի հայտարարության մեջ, գրում է Meduza-ն։
Ընդգծվում է, որ Մոսկվան պատրաստել է հուշագիր, որը ներկայացնում է Լավրովի դիրքորոշումը «ճգնաժամի սկզբնական պատճառների հուսալի հաղթահարման բոլոր ասպեկտների վերաբերյալ», որի շուրջ կողմերը համաձայնության են եկել բանակցությունների առաջին փուլի ընթացքում։
«Մեր պատվիրակությունը՝ Վլադիմիր Մեդինսկիի գլխավորությամբ, պատրաստ է այս հուշագիրը ներկայացնել ուկրաինական պատվիրակությանը և անհրաժեշտ պարզաբանումներ տալ հաջորդ երկուշաբթի՝ հունիսի 2-ին, Ստամբուլում ուղիղ բանակցությունների երկրորդ փուլի ընթացքում», նշել է Լավրովը։
Այսօր ավելի վաղ Ուկրաինայի նախագահ Վլադիմիր Զելենսկին հայտարարել էր, որ Ռուսաստանը հետաձգում է իր կողմից հուշագրի պատրաստումը։
Այսօր նաև հայտնի էր դարձել, որ մայիսի 16-ին Ստամբուլում կայացած բանակցությունների պատվիրակությունների ղեկավարներ Վլադիմիր Մեդինսկին և Ռուստեմ Ումերովը հեռախոսազրույց են ունեցել։ Մեդինսկին հայտնել է, որ Կիևին առաջարկել է հանդիպման ամսաթիվ և վայր՝ բանակցությունները շարունակելու համար՝ փոխանակելու հուշագրերը։
Կիևը դեռևս չի մեկնաբանել Լավրովի առաջարկը։
Թարգմանությունը՝ Էմմա Չոբանյանի
