16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Ումերովը ՌԴ-ին է փոխանցել բանակցություններում Ուկրաինայի դիրքորոշման մասին փաստաթուղթը և սպասում է արձագանքի
Քաղաքականություն
28.05.2025 | 23:30
Ուկրաինայի պաշտպանության նախարար Ռուստեմ Ումերովը, որը գլխավորում էր Ուկրաինայի պատվիրակությունը Ստամբուլում Ռուսաստանի հետ բանակցություններում, ՌԴ-ին է փոխանցել մի փաստաթուղթ, որն արտացոլում է ուկրաինական դիրքորոշումը և ի պատասխան սպասում է ռուսական կողմի հուշագրին: Այս մասին նախարարը գրել է ֆեյսբուքյան իր էջում։
Նախարարը նշել է, որ ռուսական կողմը փորձել է ձգձգել հրադադարի քայլերի իրենց տեսլականով փաստաթղթի փոխանցումը Ուկրաինային։
«Ռուսները հայտնել են հուշագիր գրելու մասին նախագահ Թրամփի, եվրոպական առաջնորդների, նախագահ Զելենսկու կոշտ հայտարարություններից հետո։
Ռուսական պատվիրակության ղեկավարին փոխանցեցի մեր փաստաթուղթը, որն արտացոլում է ուկրաինական դիրքորոշումը։ Նրանք ստացել են այդ փաստաթուղթը։
Մենք հաստատում ենք Ուկրաինայի պատրաստակամությունը կրակի լիակատար և անվերապահ դադարեցման և հետագա դիվանագիտական աշխատանքի համար։ Մենք դեմ չենք ռուսների հետ հանդիպումներին և ակնկալում ենք նրանց հուշագիրը»,- գրել է Ումերովը։
Նրա խոսքով՝ ռուսական կողմը խոստացել է հուշագիրը փոխանցել փոխանակումից անմիջապես հետո։
«Մենք կոչ ենք անում ռուսական կողմին անհապաղ կատարել այդ խոստումը և դադարեցնել հանդիպումը ապակառուցողական դարձնելու փորձերը»,- նշել է Ուկրաինայի պաշտպանության նախարարը։
Ավելի վաղ տեղեկացրել էինք, որ Ռուսաստանն Ուկրաինային առաջարկում է հունիսի 2-ին Ստամբուլում անցկացնել ուղիղ բանակցությունների երկրորդ փուլը։ Ընդգծվում էր, որ Մոսկվան պատրաստել է հուշագիր, որը ներկայացնում է Լավրովի դիրքորոշումը «ճգնաժամի սկզբնական պատճառների հուսալի հաղթահարման բոլոր ասպեկտների վերաբերյալ», որի շուրջ կողմերը համաձայնության են եկել բանակցությունների առաջին փուլի ընթացքում։
