Քաղաքականություն
27.05.2025 | 17:35
Թուրքիան և Ռուսաստանը ողջունում են Հարավային Կովկասի տարածաշրջանում խաղաղություն ապահովման ջանքերը։ Այս մասին հայտարարել է Թուրքիայի ԱԳ նախարար Հաքան Ֆիդանը Մոսկվայում ՌԴ ԱԳ նախարար Սերգեյ Լավրովի հետ համատեղ մամուլի ասուլիսում։
«Մեր ընդհանուր տարածաշրջանում՝ Հարավային Կովկասում, իրավիճակն ազդում է երկու երկրների վրա։ Անկարան և Մոսկվան աջակցություն են հայտնում Հարավային Կովկասի տարածաշրջանում խաղաղության գործընթացին։ Մենք նաև ողջունում ենք Ադրբեջանի կողմից տարածաշրջանում խաղաղություն ապահովելուն ուղղված կարևոր քայլերը»,- ասել է Ֆիդանը։
Լավրովն իր հերթին հայտարարել է, որ տարածաշրջանային համագործակցության «3+3» (Հայաստան, Ադրբեջան, Վրաստան + Ռուսաստան, Թուրքիա, Իրան) ձևաչափն արդեն ապացուցել է իր արդյունավետությունը։
Նա նշել է, որ Ռուսաստանը կշարունակի համագործակցությունը Թուրքիայի հետ «3+3»ձևաչափի շրջանակում։
Թարգմանությունը՝ Էմմա Չոբանյանի
