06.10.2026 | 14:41
Հայտնի է ֆիզիկայի ոլորտում Նոբելյան մրցանակի դափնեկիրը
Պակիստանի վարչապետը գրավյալ Արցախ է ժամանել․ նա Ալիևի և Էրդողանի հետ Բերձորում օդանավակայանի բացմանն է մասնակցելու
27.05.2025 | 15:53
Պակիստանի վարչապետ Շահբազ Շարիֆը ժամանել է գրավյալ Արցախ։ Նրան դիմավորել են Ադրբեջանի ԱԳ նախարար Ջեյհուն Բայրամովն ու այլ պաշտոնյաներ։
Շարիֆը վաղը Բերձորի շրջանում Ադրբեջանի նախագահ Իլհամ Ալիևի հետ մասնակցելու է Լաչինի օդանավակայանը շահագործման հանձնելու արարողությանը։ Թուրքական TRT Haber-ը հաղորդում է, որ արարողությանը մասնակցելու է նաև Թուրքիայի նախագահ Ռեջեփ Թայիփ Էրդողանը։
Նշվում է, որ օդանավակայանը, որի հիմքը դրվել է 2021 թվականին, ունի 3 հազար մետր երկարությամբ և 60 մետր լայնությամբ թռիչքուղի, ինչպես նաև տերմինալ, որը կարող է սպասարկել ժամում 200 ուղևորի։ Ադրբեջանի վարչապետ Ալի Ասադովի մայիսի 26-ի հրամանագրով՝ «Լաչինի օդանավակայանին տրվել է միջազգային օդանավակայանի կարգավիճակ»։
Ավելի վաղ հաղորդվել էր, որ Հնդկաստանի հետ հարաբերությունների լարվածության ֆոնին՝ Պակիստանի վարչապետն այցեր է կատարելու Թուրքիա, Իրան, Ադրբեջան և Տաջիկստան։
Թարգմանությունը՝ Էմմա Չոբանյանի
