03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Մեր քաղաքականության հետևանքով «Հրազդան ցեմենտում» կա սնանկացման գործընթաց․ Արսեն Թորոսյան․ ՏԵՍԱՆՅՈՒԹ
Տնտեսություն
27.05.2025 | 11:43
«Մեր վարած քաղաքականության և ոչ միայն այդ պատճառով խնդիր ունենք մեծ ընկերություններից մեկի՝ «Հրազդան ցեմենտի» հետ։ Գիտեմ, որ կա սնանկացման գործընթաց, որը հերթականն է վերջին տասնամյակների ընթացքում»,- այս մասին ԱԺ նիստում, որտեղ քննարկվում է «Պետական տուրքի մասին» օրենքում փոփոխություն կատարելու մասին» օրենքի նախագիծն ասաց ՔՊ պատգամավոր Արսեն Թորոսյանը։
Պատգամավորն Էկոնոմիկայի փոխնախարար Էդգար Զաքարյանին հարցրեց, թե Կառավարությունը որևէ գործողություն ունի՞ ընկերությունը փրկելու համար։
«Պետք է դիտարկել «Հրազդան ցեմենտի» առողջացման ծրագրում Կառավարության մասնաբաժնի տարբերակը՝ հաշվի առնելով Կառավարության քաղաքականությունը նմանատիպ մեծ ռազմավարական օբյեկտների հետ, այդ թվում՝ հանքարդյունաբերական։ Կարծում եմ՝ մենք ինքնահոսի թողնելու իրավունք չունենք նման ռազմավարական նշանակություն ունեցող գործարանը»,- նշեց պատգամավորը։
Ի պատասխան էկոնոմիկայի փոխնախարարն էլ հայտնեց, որ ինքնահոսի թողնելու խնդիր չկա։ Նա նշեց, որ քննարկումներ են ունեցել գործարանի սեփականատերերի հետ, այս պահին մշակվում է ճանապարհային քարտեզ։
Մանրամասները՝ տեսանյութում։
