13.01.2026 | 14:41
25% մաքսատուրքի պատճառով ՀՀ-ն չի կարող հրաժարվել Իրանի հետ ապրանքաշրջանառությունից․ տնտեսագետ
Լիվերպուլում մեքենան մխրճվել է ֆուտբոլի երկրպագուների ամբոխի մեջ․ վիրավորվել է մոտ 50 մարդ
Քաղաքականություն
27.05.2025 | 11:58
Անգլիական Լիվերպուլում մեքենան մխրճվել է «Լիվերպուլի» ֆուտբոլային երկրպագուների ամբոխի մեջ, որոնք տոնում էին թիմի հաղթանակը Անգլիայի Պրեմիեր լիգայում: Շուրջ 50 մարդ վիրավորվել է, հաղորդում է Reuters-ը։ BBC News-ը, հղում անելով ոստիկանությանը, հաղորդում է, որ 27 մարդ, այդ թվում՝ չորս երեխա, տեղափոխվել է հիվանդանոց, մյուս տուժածներին օգնություն է ցուցաբերվել տեղում։
The Standard-ը նշում է, որ առնվազն 47 մարդ, այդ թվում՝ չորս երեխա, վիրավորվել է, երբ մարդատար մեքենան վրաերթի է ենթարկել տասնյակ երկրպագուների։ Հրշեջները փրկել են մեքենայի տակ մնացած չորս մարդու, այդ թվում՝ մեկ երեխայի։
Մայիսի 26-ի երեկոյան տասնյակ հազարավոր մարդիկ դուրս էին եկել փողոցներ՝ չնայած հորդառատ անձրևին։ Հաղորդվում է, որ միջադեպը տեղի է ունեցել Ուոթեր փողոցում, երբ այդ տարածքով անցել է «Լիվերպուլ» ակումբի խաղացողներին տեղափոխող ավտոբուսը։
Մեքենայի վարորդը՝ 53-ամյա Մեծ Բրիտանիայի քաղաքացին, ձերբակալվել է դեպքի վայրում։ Ոստիկանությունը հետաքննություն է անցկացնում և կոչ է անում «զերծ մնալ ենթադրություններից»։ Ահաբեկչական հարձակման հնարավորությունը չի քննարկվում։
Մերսիսայդի ոստիկանության պետի օգնական Ջենի Սիմսը հայտարարել է, որ «սարսափելի միջադեպը» չի դիտարկվում որպես ահաբեկչություն՝ դեպքի վայրում Լիվերպուլից սպիտակամորթ բրիտանացի տղամարդու ձերբակալությունից հետո։
Համացանցում շրջանառվող կադրերում երևում է, թե ինչպես է մեքենան արագություն հավաքում և մխրճվում մարդաշատ փողոցի երկու կողմերում գտնվող մարդկանց ամբոխի մեջ։
Մեծ Բրիտանիայի վարչապետ Քիր Սթարմերը վթարի կադրերն անվանել է «սարսափելի» և ցավակցություն հայտնել զոհերին։ Նա նշել է, որ ոստիկանությունը և արտակարգ ծառայություններն իրեն մշտապես տեղեկացնում են միջադեպի հետաքննության մանրամասների մասին։
Թարգմանությունը՝ Էմմա Չոբանյանի
