11.04.2026 | 11:20
ԵԱ․ Ռոբերտ Հովհաննիսյանը կիսում է առաջին տեղը
Վարչապետի հետ ենք ուզում հանդիպել. այլազգիներին առավելություն են տալիս. բեռնատարի վարորդ․ ՏԵՍԱՆՅՈՒԹ
Հասարակություն
27.05.2025 | 11:11
Բեռնափոխադրմամբ զբաղվող անհատ ձեռներեցները Կառավարության շենքի դիմաց բողոքի ակցիա են իրականացնում։
Նրանք դժգոհում են, որ թե՛ Վրաստանում, թե՛ Հայաստանում միջնորդ կազմակերպություններն ու արտահանողները, որոնք ՌԴ-ից ապրանք են արտահանում կամ ներմուծում, հայ բեռնափոխադրողների փոխարեն նախընտրում են վարձել այլ երկրների բեռնափոխադրողների։
Ըստ նրանց՝ պատճառն այն է, որ նրանք կարողանում են ավելի էժան գին առաջարկել, քանի որ ՀՀ-ում չունեն հարկային պարտավորություններ, ինչպես իրենք։ Այսօր վարչապետ Նիկոլ Փաշինյանի հետ են հանդիպում պահանջում։
«Մեր ցանկությունն է պարոն վարչապետին հանդիպել, այդ ամենը ներկայացնել։ Բայց եթե այսպես շարունակվի, ճանապարհ կփակենք և այլ ազգի բեռնափոխադրողների թույլ չենք տա մտնել ՀՀ»,- ասաց ակցիայի մասնակիցներից մեկը։
Բողոքի ակցիայի մասնակցիները խնդրում են Կառավարությանը հավաքել լոգիստիկ ընկերություններին, խնդիրը հասկանալ և ուղղորդել, որպեսզի ընտրեն հայկական ընկերությունների բեռնատարներ։
Մանրամասները՝ տեսանյութում։
