18.02.2026 | 17:53
Հրադադարի մեխանիզմը գրեթե համաձայնեցված է, բայց քաղաքական հարցերում «առաջընթաց չի եղել». Զելենսկի
Հայտնի է, թե ինչ հարցեր են քննարկել Պուտինն ու Ֆիդանը Կրեմլում կայացած հանդիպմանը
Քաղաքականություն
27.05.2025 | 10:34
Թուրքիայի արտաքին գործերի նախարար Հաքան Ֆիդանը Կրեմլում Ռուսաստանի նախագահ Վլադիմիր Պուտինի հետ հանդիպման ժամանակ քննարկել է Ուկրաինայի կարգավորման և երկկողմ հարաբերությունների հարցերը։ Այս մասին հայտնում են թուրքական լրատվամիջոցները։
Նշվում է, որ քննարկվել են Ուկրաինայի և Ռուսաստանի միջև պատերազմը դադարեցնելու վերջին նախաձեռնությունները, ինչպես նաև մայիսի 16-ին Ստամբուլում կայացած բանակցություններից հետո տեղի ունեցած զարգացումները։
Հանդիպման ընթացքում մտքեր են փոխանակվել նաև տնտեսության և էներգետիկայի ոլորտում համագործակցության հարցերի շուրջ։
Թուրքիայի ԱԳՆ-ի հաղորդմամբ՝ Ֆիդանը Մոսկվայում թուրքական դեսպանատանը նախօրեին հանդիպել է Ռուս-թուրքական գործարարների ասոցիացիայի տնօրենների խորհրդի անդամների հետ։ Ավելի վաղ նա հանդիպել էր ՌԴ նախագահի օգնական Վլադիմիր Մեդինսկիին։ Այսօր Հաքան Ֆիդանը բանակցություններ կանցկացնի ՌԴ ԱԳ նախարար Սերգեյ Լավրովի հետ։
Թարգմանությունը՝ Էմմա Չոբանյանի
