13.01.2026 | 12:45
ՀՅԴ-ն 2026-ի ընտրություններին մասնակցելու է դաշինքով. Իշխան Սաղաթելյան․ ՏԵՍԱՆՅՈՒԹ
Փոքր Կենտրոնում երթևեկությունը կսահմանափակվի. տրանսպորտի վարչության պետը մանրամասնում է․ ՏԵՍԱՆՅՈՒԹ
Տնտեսություն
26.05.2025 | 10:11
Երևանի փոքր կենտրոնի համար մշակվում է շարժունակության հայեցակարգ։ Այս մասին զեկուցվեց քաղաքապետարանի գործակարգավարական խորհրդակցության ժամանակ։ Մի շարք փողոցներում երթևեկությունը կսահմանափակվի՝ փողոցները դարձնելով հետիոտնի համար նախատեսված հատվածներ։
«Որպես փոփոխությունների առաջին քայլ առաջարկվել է Հանրապետության հրապարակին հարող Աբովյան, Նալբանդյան և Արամի փողոցներում կիրառել սահմանափակումներ»,- ասաց քաղաքապետարանի աշխատակազմի տրանսպորտի վարչության պետ Վազգեն Հարությունյանը։
Ըստ այդմ՝ հրապարակը կդառնա հետիոտների և հասարակական տրանսպորտի համար։ Վազգեն Հարությունյանն ասաց, որ Իլ դը Ֆրանսի հետ այս առաջարկի շուրջ քննարկումները դեռ շարունակվում են։
Անդրադառնալով ավտոբուսային առանձնացված գծերին՝ Հարությունյանը նշեց, որ Մաշտոցի պողոտայում ներդրված ավտոբուսային առանձնացված գիծը կապահովի շարունակություն դեպի Խորենացի փողոց։ Խորենացի փողոցում կներդրվեն ավտոբուսային առանձնացված գծեր երկու ուղղություննեով, կկիրառվի կայանման արգելք։ Գիծը կշարունակվի մինչև Հաղթանակի կամուրջ։ Նույն կերպ երթևեկության փոփոխություններ կկատարվեն Սուրբ Գրիգոր Լուսավորիչ փողոցում։
Սարյան փողոցում ևս կկատարվեն փոփոխություններ։ Սարյան փողոցը և Մոսկովյան փողոցի մի հատվածը կկազմակերպվեն միակողմանի երթևեկությամբ՝ Մաշտոցի պողոտայից դեպի Բաղրամյան պողոտա։
Մանրամասները՝ տեսանյութում։
