24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
Իսրայելը Գազայի հատված է մտցրել բոլոր կանոնավոր զորաբաժինները․ ԶԼՄ-ներ
Քաղաքականություն
25.05.2025 | 14:55
Իսրայելի բանակը, ըստ տեղական ԶԼՄ-ների հաղորդագրությունների, Գազայի հատված է տեղափոխել բոլոր կանոնավոր հետևակային և տանկային բրիգադները։ Այդ մասին, մասնավորապես, շաբաթ օրը՝ մայիսի 24-ին, հայտնել է The Times of Israel թերթը՝ հղում անելով Իսրայելի զինված ուժերին։ Գերմանական dpa գործակալության հարցմանն ի պատասխան՝ բանակը հրաժարվել է հստակեցնել զորքերի տեղակայման մանրամասները։
«ԿԱՆ Հադաշոտ» հեռուստաալիքը հաղորդել է, որ վերջինը, որը մտել է Գազայի հատված, օդադեսանտային բրիգադն է։ Մինչ այդ այնտեղ արդեն ուղարկվել էին «Գոլանի», «Գիվաթի», «Նախալ», «Քֆիր» ստորաբաժանումները, ինչպես նաև 7-րդ «Սաար մի-Գոլան» բրիգադը, 188-րդ «Բարաք»-ը, 401-րդ «Իկվաոտ ա-Բարզել»-ը և հատուկ ստորաբաժանումներ։
Մարտական գործողությունները կենտրոնացած են երկու գոտիներում՝ հատվածի հյուսիսում և հարավի Խան Յունիսի շրջանում։ Մի քանի օր առաջ Իսրայելի բանակը կոչ էր արել այդ տարածքների բնակիչներին տարհանվել հումանիտար գոտիներ։ Նշված շրջաններում իրականացվել են ինտենսիվ ավիահարվածներ։
