13.01.2026 | 14:00
Կաշկանդված չենք քննադատել Սոլովյովի հայտարարությունը․ Իշխան Սաղաթելյան․ ՏԵՍԱՆՅՈՒԹ
Ռուսաստանն ու Ուկրաինան ավարտեցին ռազմագերիների փոխանակումը «1000-ը 1000-ի դիմաց» բանաձևով
Քաղաքականություն
25.05.2025 | 14:14
Ավարտվեց ռազմագերիների փոխանակման երրորդ և եզրափակիչ փուլը Ռուսաստանի և Ուկրաինայի միջև՝ «1000-ը 1000-ի դիմաց» բանաձևով։ Փոխանակման եզրափակիչ փուլում կողմերը միմյանց փոխանցեցին 303-ական գերի։ Փոխանակման մասին հայտնել են ինչպես Ուկրաինայի նախագահի գրասենյակի ղեկավար Անդրեյ Երմակը, այնպես էլ Ռուսաստանի պաշտպանության նախարարությունը։
Երկու կողմերն էլ հիշեցրել են, որ գերիների մասշտաբային փոխանակման շուրջ համաձայնություն էր ձեռք բերվել 2025 թվականի մայիսի 16-ին Ստամբուլում Ուկրաինայի և Ռուսաստանի պատվիրակությունների հանդիպման ժամանակ։
Ռուսաստանի և Ուկրաինայի միջև ռազմագերիների փոխանակման առաջին փուլը տեղի էր ունեցել մայիսի 23-ին։ Այդ ժամանակ կողմերից յուրաքանչյուրը վերադարձրել էր 390-ական մարդ՝ զինվորականներ և քաղաքացիական անձինք։ Փոխանակման երկրորդ փուլն անցկացվել էր մայիսի 24-ին. Ուկրաինան և Ռուսաստանը փոխանակել էին 307-ական գերի։
