12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Իրանը հավատում է հաղորդակցությունների բացմանը՝ երկրների տարածքային ամբողջականության հարգմամբ․ Փեզեշքիանը՝ Ալիևին
Քաղաքականություն
23.05.2025 | 15:30
Իրանի նախագահ Մասուդ Փեզեշքիանը նամակ է հղել Ադրբեջանի նախագահ Իլհամ Ալիևին՝ այդ երկրի անկախության օրվա կապակցությամբ, որը նշվում է մայիսի 28-ին։
Ադրբեջանական կողմի փոխանցմամբ՝ նամակում ասվում է, որ Իրանը վճռական է ընդլայնել և բարձրացնել երկրների հարաբերությունները ռազմավարական գործընկերության մակարդակի՝ ընդհանուր շահերից ելնելով, այդ համատեքստում ընդգծելով տրանսպորտի, էլեկտրաէներգիայի, բնական գազի հետ կապված տարբեր ոլորտներում համատեղ նախագծերի իրականացման արագացման, առևտրի ծավալների ավելացման և մարդկանց միջև շփումների պարզեցման կարևորությունը։
«Իրանը հավատում է հաղորդակցության ուղիների բացմանը՝ հարգելով երկրների տարածքային ամբողջականությունը, ինչը կարող է կարևոր դեր խաղալ տարածաշրջանում երկարատև խաղաղության և անվտանգության հաստատման գործում»,-ասվում է նամակում։
Հիշեցնենք, որ ապրիլի վերջին Փեզեշքիանն այցելել էր Բաքու։
Թարգմանությունը՝ Էմմա Չոբանյանի
