22.06.2026 | 01:08
ԱԱ-2026. Բելգիան ու Իրանը չպարզեցին հաղթողին. ՏԵՍԱՆՅՈՒԹ
ՌԴ-ն անկեղծ հաջողություն է մաղթում ՀՀ-ին և Ադրբեջանին խաղաղության համաձայնագրի ստորագրման գործում և պատրաստ է աջակցել․ Լավրով
Քաղաքականություն
23.05.2025 | 15:16
Ռուսաստանն անկեղծորեն հաջողություն է մաղթում Հայաստանին և Ադրբեջանին խաղաղության պայմանագրի կնքման գործում և պատրաստ է շարունակել կողմերին օգնություն տրամադրել նման փաստաթղթի մշակման և ստորագրման հարցում։ Այս մասին հայտարարել է Ռուսաստանի ԱԳ նախարար Սերգեյ Լավրովը, գրում է ՏԱՍՍ-ը։
«Օրինակ՝ «Խաղաղության խաչմերուկն» իրականացնելու համար անհրաժեշտ է Հայաստանի և Ադրբեջանի միջև խաղաղության պայմանագիր ստորագրել, և մենք անկեղծորեն նրանց հաջողություններ ենք մաղթում այդ գործընթացում»,- ասել է Լավրովը։
Նա նշել, որ հարցը Երևան կատարած այցի ժամանակ քննարկել է ՀՀ վարչապետի և նախագահի հետ։
«Պարզ է, որ պայմանագիրը հնարավոր է դարձել Ռուսաստանի, Ադրբեջանի և Հայաստանի միջև մի քանի եռակողմ գագաթնաժողովների շնորհիվ։ Մենք պատրաստ ենք շարունակել օգնություն ցուցաբերել, եթե երկու կողմերն էլ հետաքրքրված են»,- հայտարարել է ՌԴ ԱԳ նախարարը։
Նա նշել է, որ անհրաժեշտ է նաև Հայաստանի և Թուրքիայի միջև հարաբերությունների կարգավորում։
«Հակամարտությունների հաղթահարումը և այդ հակամարտությունների հետևանքով տրանսպորտային ու տնտեսական կապերի վրա դրված սահմանափակումների վերացումը, անշուշտ, զգալիորեն կբարձրացնի մայրցամաքի այս հատվածի և մեր ամբողջ մայրցամաքի մրցունակությունը» – ընդգծել է Լավրովը։
Հիշեցնենք, որ Լավրովը մայիսի 20-21-ը աշխատանքային այցով Հայաստանում էր։
Թարգմանությունը՝ Էմմա Չոբանյանի
