08.06.2026 | 03:45
Ես բացառում եմ, որ ՔՊ-ն ընտրակեղծարարության մեջ ներգրավված լինի. Փաշինյան․ ՏԵՍԱՆՅՈՒԹ
Մայիսի 20-ի դրությամբ Արցախից բռնի տեղահանված 9451 անձ դիմել է ՀՀ քաղաքացիություն ստանալու համար. ՏԵՍԱՆՅՈՒԹ
Հասարակություն
23.05.2025 | 13:48
Մայիսի 20-ի դրությամբ Արցախից բռնի տեղահանված 9451 անձ դիմել է Հայաստանի Հանրապետության քաղաքացիություն ստանալու համար, և նույն օրվա դրությամբ՝ 8315 անձ Հայաստանի Հանրապետության նախագահի հրամանագրով ստացել է քաղաքացիություն։ Այս մասին այսօր հրավիրված ասուլիսի ժամանակ ասաց ՆԳ նախարարի տեղակալ Արմեն Ղազարյանը։
Վերջինս նշեց նաև, որ եթե տարվա սկզբում քաղաքացիություն ստանալու համար օրական մոտ 20 դիմում էին ստանում Արցախից բռնի տեղահանված անձանցից, ապա այժմ մոտ 40-ից 50 դիմում է ստացվում։ Պատճառն, ըստ Ղազարյանի, քաղաքացիների իրազեկվածության բարձրացումն է։
«ԼՂՀ-ից բռնի տեղահանված անձանց քաղաքացիության շուրջ բավականին միֆեր են հյուսվել, որոնք որևէ իրական ու իրավական հիմնավորում չունեն։ Մենք հնարավորինս փորձել ենք բացատրել ճշմարտությունը, և վերջին շրջանում արդեն նկատում ենք, որ մարդիկ արդեն ընկալում են, որ ՀՀ-ի հետ երկարաժամկետ իրավական կապ ստեղծելու անհրաժեշտություն կա, իսկ այդ կապը կարող է ստեղծվել ՀՀ քաղաքացիություն ստանալով»,- ասաց Արմեն Ղազարյանը։
Մանրամասները՝ տեսանյութում
