20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Բաքվում շինծու գործերով նիստում Շուշիի ազատագրմանը Լևոն Մնացականյանի մասնակցության մասին տեսանյութ է ներկայացվել
Քաղաքականություն
22.05.2025 | 22:28
Բաքվի զինվորական դատարանում այսօր տեղի է ունեցել Արցախի ղեկավարների և այլ պաշտոնյաների նկատմամբ հարուցված շինծու գործերով հերթական դատական նիստը։ Այն նախագահել է դատավոր Զեյնալ Աղաևը։ Ադրբեջանական լրատվամիջոցների հաղորդմամբ՝ նիստի ընթացքում Արցախի ՊԲ նախկին հրամանատար Լևոն Մնացականյանի «խոստովանությանբ» տեսանյութ է ցուցադրվել, որ նա մասնակցել է Շուշիի ազատագրմանը։
Տեսանյութում Մնացականյանը պատմում է, թե Շուշիի ազատագրման ժամանակ ինքն Աշոտ Ղուլյանի վաշտի կազմում է եղել։
Պատասխանելով տեսանյութի վերաբերյալ պետական մեղադրանքը պաշտպանող դատախազների հարցին՝ Լևոն Մնացականյանը հերքել է տեսանյութում իր ասած խոսքերը։
Հավելենք, որ այսօրվա նիստի ընթացքում ներկայացվել էր նաև Արցախի ԱԺ նախագահ Դավիթ Իշխանյանի՝ 2016 թվականին Արցախի հեռուստաընկերությանը տված հարցազրույցը, ինչպես նաև ՀՀ առաջին նախագահ Լևոն Տեր-Պետրոսյանի և Արցախի ներկայացուցիչների միջև 1993 թվականին կայացած հանդիպման տեսագրությունը։
Հաջորդ դատական նիստը նշանակվել է մայիսի 23-ին։
Թարգմանությունը՝ Էմմա Չոբանյանի
