06.12.2025 | 10:53
Արտարժույթների փոխարժեքները՝ դեկտեմբերի 6-ի դրությամբ
Խաղողի անխափան մթերումների ծրագրեր ենք մշակում կոնյակագործների համար․ Էկոնոմիկայի նախարար․ ՏԵՍԱՆՅՈՒԹ
Տնտեսություն
22.05.2025 | 13:05
ՀՀ կառավարությունը աջակցության ծրագրեր է մշակում կոնյակագործների համար, որոնք պետք է ապահովեն սեպտեմբեր-հոկտեմբեր ամիսներին խաղողի անխափան մթերումները։ Այս մասին Կառավարությունում ճեպազրույցի ժամանակ հայտնել է Էկոնոմիկայի նախարար Գևորգ Պապոյանը։
«Մթերում-արտահանում տրամաբանության մեջ գործընթացում ներգրավված կազմակերպություններին կաջակցենք, բայց պայմանը պետք է լինի անխափան և պատշաճ որակի մթերման գործընթացի կազմակերպումը», – ասաց նախարարը։
Անդրադառնալով կոնյակագործների բարձրացրած խնդիրներին՝ Պապոյանը նշեց, որ հանդիպելու է նրանց հետ, ինչպես նաև քննարկման արդյունքների ամփոփման կարիք կա վրացական կողմի հետ։
Հիշեցնենք՝ կոնյակագործները երեկ բողոքի ակցիա էին իրականացրել՝ ահազանգով, որ Ռուսաստան և Բալթյան երկրներ արտահանման համար նախատեսված կոնյակը Վերին Լարսի անցակետում չնախատեսված լաբորատոր փորձաքննությունների է ենթարկվում, ինչն ուշացումների և ֆինանսական կորուստների պատճառ է դառնում։
Մանրամասները՝ տեսանյութում։
