09.06.2026 | 12:17
ՆԳ նախարարի տեղակալը` ընտրությունների օրը տեղի ունեցած միջադեպերի մասին․ ՏԵՍԱՆՅՈՒԹ
Վահրամ Բաղդասարյանը տեղյակ չէ՝ ի՞նչ ռեպրեսիաների մասին է խոսում Արմեն Աշոտյանը
Քաղաքականություն
09.10.2018 | 18:35
Ազգային ժողովի «Հանրապետական» խմբացության ղեկավար Վահրամ Բաղդասարյանը տեղեկություն չունի, թե իրենց խմբակցության պատգամավորներն ի՞նչ ռեպրեսիաների են ենթարկվել նախքան Ազգային ժողովի արտահերթ ընտրություններ անցկացնելու վերաբերյալ ստորագրահավաքին միանալը։
Այս մասին Factor.am-ի հետ զրույցում ասաց ԱԺ ՀՀԿ խմբացության ղեկավարը։
Հիշեցնենք, որ այսօր ԱԺ-ում լրագրողների հետ զրույցում ՀՀԿ-ական պատգամավոր Արմեն Աշոտյանը նշեց, որ, իր տեղեկություններով, մի շարք պատգամավորների հանդեպ եղել են ճնշումներ, գործադրվել են ռեպրեսիվ մեթոդներ, իսկ որոշ պատգամավորների վրա էլ ճնշումներ են եղել անգամ արտերկրից։
«Ես որևէ ճնշման կամ ռեպրեսիայի մասին տեղեկություն չունեմ, պարզապես ցանկանում եմ տեղեկացնել, որ այն պատգամավորները, ովքեր միացել են այդ ստորագրահավաքին, իրենց համաձայնությունն ենք տվել նաև հայտարարության այն տեքստին, որը առաջիկա ժամերի ընթացքում պատրաստվում են հրապարակել։ Նորից կրկնում եմ՝ ՀՀԿ-ն որևէ մտադրություն չունի վարչապետի թեկնածու առաջադրել, կրկնում եմ՝ մենք կողմ ենք, որ արտահերթ խորհրդարանական ընտրություններն ընթանան մշակված ճանապարհային քարտեզով, որպեսզի մասնակից ուժերին հնարավորություն տրվի հավասար պայմաններում մասնակցել դրանց»,-ասաց Բաղդասարյանը։
