21.12.2025 | 13:04
24-ժամյա վթարային ջրանջատում Երևանում և Կոտայքում
Թուրքիայի ԱԳ նախարարը մեկնում է Մոսկվա՝ Լավրովի հետ բանակցությունների․ կքննարկվի նաև Անդրկովկասի հարցը
Քաղաքականություն
20.05.2025 | 18:09
Թուրքիայի արտաքին գործերի նախարար Հաքան Ֆիդանը մայիսի 25-27-ն աշխատանքային այցով կժամանի Մոսկվա՝ Ռուսաստանի արտաքին գործերի նախարար Սերգեյ Լավրովի հետ բանակցությունների։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Թուրքիայի արտաքին գործերի նախարարը մայիսի 25-27-ն աշխատանքային այց կկատարի Մոսկվա։ Նախատեսվում են բանակցություններ Ռուսաստանի արտաքին գործերի նախարար Սերգեյ Լավրովի հետ։ Արտաքին քաղաքական գերատեսչությունների ղեկավարները կարծիքներ կփոխանակեն տարածաշրջանային հարցերի շուրջ՝ շեշտը դնելով Սիրիայում, Լիբիայում, Անդրկովկասում և Սևծովյան տարածաշրջանում իրավիճակի վրա»,- ասել է Զախարովան, փոխանցում է ՏԱՍՍ-ը։
Նա նշել է, որ կքննարկվեն նաև ժամանակակից պայմաններում առևտրատնտեսական համագործակցության ամրապնդման հեռանկարները։
«Նախարարները կքննարկեն երկկողմ շփումների ժամանակացույցը ամենաբարձր և բարձր մակարդակներում»,- հայտարարել է Զախարովան։
Հիշեցնենք, որ Լավրովն ապրիլին էր այցով Թուրքիայում, որտեղ մասնակցել էր Անթալիայի դիվանագիտական ֆորումին։
Թարգմանությունը՝ Էմմա Չոբանյանի
