01.10.2026 | 23:39
Արթուր Մարտիրոսյանը՝ ԱԺ աշխատակազմի ղեկավարի առաջին տեղակալ
Խաղաղության պայմանագիր՝ միջազգային հայցերից հրաժարվելու դիմաց. ի՞նչ ռիսկեր կան Հայաստանի համար․ ՔՆՆԱՐԿՈՒՄ
Քաղաքականություն
20.05.2025 | 21:00
Ըստ պաշտոնական տեղեկատվության՝ Հայաստանն ու Ադրբեջանը խաղաղության պայմանագրի կնքման դեպքում պատրաստ են միջազգային ատյաններում հրաժարվել միմյանց դեմ ներկայացված դատական հայցերից։ Ի՞նչ կշահեն և ի՞նչ իրավունքներից կզրկվեն երկու պետությունները նման սցենարի դեպքում․ Factor TV-ի տաղավարում քննարկում ենք հրավիրել այս հարցերի պատասխանները պարզելու համար։
Միջազգային իրավունքի մասնագետ Իգոր Միրզախանյանի կարծիքով՝ միջազգային ատյաններում Ադրբեջանի դեմ ներկայացված հայցերից հրաժարումը որևէ դեպքում չի կարող ընդունելի լինել։ Մասնագետի խոսքով՝ Միջազգային դատական ատյանները միակ հարթակն են, որտեղ Հայաստանը գտնվում է շահեկան դիրքերում և հանդես չի գալիս պարտված պետության դիրքից։
Միջազգային իրավունքի մասնագետ Առնոլդ Վարդանյանը, որն ուսումնասիրել է խաղաղության պայմանագրերի բազմաթիվ օրինակներ, նշում է, որ խաղաղության պայմանագրով պետք է նաև մեխանիզմներ ստեղծվեն, որպեսզի այդ պայմանագիրը ոչ թե մնա թղթի վրա, այլ աշխատի։
Հիշեցնենք, որ Հայաստանն ընդդեմ Ադրբեջանի և Ադրբեջանն ընդդեմ Հայաստանի մեկական գանգատ ունեն Արդարադատության միջազգային դատարանում՝ խտրականության հիմքով։ Երկու պետությունները միմյանց դեմ գործեր ունեն նաև Մարդու իրավունքների եվրոպական դատարանում։
Ադրբեջանը Հայաստանի դեմ գործ ունի նաև Հաագայի արբիտրաժային դատարանում, որով պնդում է, թե Հայաստանը Արցախի տարածքում գտնվող ՀԷԿ-երն ու հանքերն է շահագործել:
Մանրամասները՝ տեսանյութում։
Արաքս Մամուլյան
