05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Ռուսաստանը Եվրոպայի հետ պատերազմի է պատրաստվում․ Ռոման Բեսսմերտնի․ ՏԵՍԱՆՅՈՒԹ
Քաղաքականություն
20.05.2025 | 20:30
Ստամբուլի հանդիպումը, ինչպես նաև Թրամփի հետ հեռախոսազրույցից հետո խաղաղության մասին հուշագրի վրա աշխատանքի մասին հայտարարությունը, ինչը բանակցային գործընթացը ձգձգելու համար ևս մեկ հորինվածք է, ցույց տվեցին, որ Պուտինի նպատակը պատերազմ վարելն է, Factor TV-ի հետ զրույցում այս մասին ասում է ուկրաինացի քաղաքական գործիչ, դիվանագետ Ռոման Բեսսմերտնին։
Նա կարծում է, որ Ռուսաստանում տիրող իրավիճակի պատճառով Պուտինի համար պատերազմը կյանք է, կյանքը՝ պատերազմ։ Միաժամանակ, ըստ նրա, այս պատերազմի մասշտաբները չեն սահմանափակվում Ուկրաինայով, և Ռուսաստանը պատրաստվում է Եվրոպայի հետ պատերազմի։
Իր հերթին, Բեսսմերտնիի կարծիքով, ԱՄՆ նախագահն իրավիճակի մասին համարժեք պատկերացում չունի, և ուկրաինական հակամարտությունը լուծելու նրա բոլոր պլանները տեղեկատվական տարածքի ցնցում են։
Անդրադառնալով խաղաղության համաձայնագրի հնարավոր պլաններին, որոնք ճանաչում են Ուկրաինայի տարածքների մի մասի ռուսական օկուպացիայի փաստը, քաղաքական գործիչը կարծում է, որ դա հնարավոր չէ առանց ամբողջ Ուկրաինայի տարածքում հանրաքվեի, և ոչ մի ուկրաինայի առաջնորդ այդ քայլին չի գնա։
Հարցազրույցն ամբողջությամբ՝ տեսանյութում։
Սամվել Մելիքսեթյան
