14.09.2026 | 16:35
Գրոնոն Երևանում քննարկել է Հայաստանի և Ադրբեջանի միջև խաղաղության ինստիտուցիոնալացումը՝ Բաքու և Արցախ այցից հետո
Ինչ է հայտարարագրել Անդրանիկ Քոչարյանը
19.05.2025 | 20:50
ԱԺ պաշտպանության և անվտանգության հարցերի մշտական հանձնաժողովի նախագահ, «Քաղաքացիական պայմանագիր» խմբակցության անդամ Անդրանիկ Քոչարյանի եկամուտները 2024 թվականին չեն ավելացել, նա ոչ մի նոր գույք ձեռք չի բերել։ Ըստ պատգամավորի գույքի և եկամուտների հայտարարագրի՝ 2024-ին նա ԱԺ-ից ստացել է գրեթե նույնքան աշխատավարձ, ինչքան 2023-ին՝ 13․2 մլն դրամ։ Տարեվերջի դրությամբ նրա բանկային հաշիվներին եղել է 2098 դոլար, 2005 եվրո և 6 մլն դրամ, իսկ կանխիկ հայտարարագրել է 4000 եվրո, 5000 դոլար և 4․8 մլն դրամ։
Քոչարյանը Երևանի Կենտրոնում ունի 2 բնակարան և 1 ավտոտնակ, որ տնօրինում է միանձնյա։ Նրա հետ բնակվող կինն ու որդին չեն աշխատում, եկամուտ չեն ստանում և անշարժ գույք չունեն։ Կինը՝ Լուսինե Քոչարյանը, բանկային հաշիվներին ունեցել է մոտ 93 հազար դրամ, 20 դոլար և 13 եվրո, կանխիկ՝ 170 հազար դրամ ու 3500 դոլար։ Որդին՝ Վազգեն Քոչարյանը, հայտարարագրել է Volvo մակնիշի ավտոմեքենա, 4․1 մլն դրամ և 2400 դոլար կանխիկ միջոցներ։
Գայանե Խաչատրյան
