13.01.2026 | 10:43
Ֆեյսբուքյան կեղծ էջերով ԱՄՆ-ում բնակվող հայերի անունից հափշտակել են մոտ 11 մլն ՀՀ դրամ․ ՔԿ
Ես ասել էի` եթե հեռացնեն. Մալաթիա-Սեբաստիա վարչական շրջանի ղեկավարը` իր հայտարարության մասին. ՏԵՍԱՆՅՈՒԹ
Քաղաքականություն
19.05.2025 | 13:12
«Ես ասել էի՝ եթե հեռացնեն, տարբերությունը չե՞ք զգում»,- Մալաթիա-Սեբաստիա վարչական շրջանի ղեկավար Ռոմիկ Մխիթարյանը Factor TV-ի հարցին ի պատասխան այսպես պարզաբանեց Hraparak.am-ին տված այն մեկնաբանությունը, որ Նոր Նորքի թաղապետարանում սկանդալային միջադեպից հետո թաղապետ Տեր-Մարգարյանը չպետք է ազատվի պաշտոնից, բայց եթե Տիգրան Ավինյանն այդպիսի որոշում կայացնի, իրենք նույնպես կդադարեցնեն իրենց լիազորությունները։
2023 թվականի ավագանու ընտրություններին ՔՊ-ն, թեև հավաքել էր ամենաշատ քվեները, սակայն ոչ բավարար՝ միանձնյա իշխանություն ձևավորելու համար։ Ուստի, «Հանրապետություն» և «ՔՊ» խմբակցությունները կոալիցիոն հուշագիր կնքեցին և միասին ստանձնեցին քաղաքի կառավարումը։ Փաստորեն, այդ կոալիցիոն հուշագիրը կխզվեր, եթե ոչ թե Տեր-Մարգարյանը հրաժարական ներկայացներ, այլ պաշտոնից ազատվեր Տիգրան Ավինյանի որոշմամբ։ Իսկ ինչպե՞ս և ինչո՞ւ միայն 20 օր անց Տեր-Մարգարյանը հրաժարական ներկայացրեց, նրա թիմակից, Մալաթիա-Սեբաստիա վարչական շրջանի ղեկավար Ռոմիկ Մխիթարյանը չպատասխանեց հարցին՝ շեշտելով, որ «WhatsApp»-ով նամակ չի ստացել։
«Հանրապետություն» կուսակցության նախագահ Արամ Սարգսյանն էլ ավելի վաղ հայտնել էր, որ հավատարիմ կմնան կոալիցիոն հուշագրին։
««Հանրապետություն» կուսակցությունը Երևան քաղաքում կոալիցիա չի կազմել «Քաղաքացիական պայմանագիր» կուսակցության հետ պաշտոններ ունենալու մոլուցքով, մենք գաղափարական ենք, պաշտոններից հրաժարվելու դեպքում անգամ հավատարիմ կմնանք կոալիցիոն հուշագրին և մայրաքաղաքը չենք տա ռուսահպատակներին։ Հույս չունենաք…»,- ֆեյսբուքում գրել էր Սարգսյանը։
Մանրամասները՝ տեսանյութում։
Արփի Հակոբյան
