15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
7 տարի ՊՎԾ-ն ստուգումներ չի արել, չգիտենք՝ խնդիր կառաջացնի՞, թե՝ ոչ․ Խաչատրյանը՝ ՊՎԾ պետին․ ՏԵՍԱՆՅՈՒԹ
Հասարակություն
19.05.2025 | 12:22
ԱԺ ֆինանսավարկային և բյուջետային հարցերի մշտական հանձնաժողովի նիստում երկրորդ ընթերցմամբ քննարկվում է «Պետական վերահսկողական ծառայության մասին» օրենքում փոփոխություն կատարելու մասին օրենքի նախագիծը։ Հիմնական զեկուցող Պետական վերահսկողական ծառայության պետ Ռոմանոս Պետրոսյանը ներկայացրեց, որ ներկայացված օրենքի նախագծով առաջարկվում է պետական բյուջեի վերահսկողությունը Ֆինանսների նախարարությունից փոխանցել Պետական վերասկողական ծառայությանը։ Պետրոսյանի խոսքով՝ այդ գործառույթը պետք է կատարի ՊՎԾ կազմում հատուկ այդ նպատակով ձևավորվելիք մասնագիտացված նոր ստորաբաժանումը՝ Ֆինանսաբյուջետային հսկողության վարչությունը:
«Գործող օրենքով՝ վերահսկողական ծառայությունը ՏԻՄ-երում ուսումնասիրում և գնահատում է պետական միջոցների տրամադրման համար հիմք հանդիսացող տեղեկության արժանահավատությունը: Նոր կարգավորմամբ՝ տեղական ինքնակառավարման մարմիններում վերահսկողություն իրականացվելու է նաև պետական բյուջեից համայնքներին տրված ֆինանսների կառավարման օրինականության նկատմամբ: Խոսքը բացառապես այդ միջոցների կառավարման մասին է։ Ծախսման հայեցողությունը և դրանց բովանդակային վերահսկողությունը բացառապես ՏԻՄ լիազորությունների շրջանակում է»,- նշեց պաշտոնյան։
«Հայաստան» խմբակցության պատգամավոր Արթուր Խաչատրյանի դիտարկմամբ՝ այս փոփոխություններով ՊՎԾ-ն նաև վերահսկելու է համայնքների դոտացիաներն, ինչն, ըստ նրա, միջամտություն է ՏԻՄ-ի աշխատանքին։ Ռոմանոս Պետրոսյանը, դիմելով Արթուր Խաչատրյանին, ասաց, երբ օրենքն ուժի մեջ է մտել այդ ժամանակ նա նախարարի պաշտոն է զբաղեցրել և օրենքի նախկին կարգավորումները որևէ խնդիր չեն առաջացրել։ Ընդդիմադիր պատգամավորն էլ արձագանքեց՝ նշելով «7 տարի ՊՎԾ-ն ստուգումներ չի արել, չգիտենք՝ խնդիր կառաջացնի՞, թե՝ ոչ»։
Մանրամասները՝ տեսանյութում։
