Քաղաքականություն
18.05.2025 | 12:30
ԱՄՆ Կալիֆոռնիա նահանգի Փալմ Սփրինգս քաղաքում վերարտադրողական բժշկության կլինիկայի մոտ ականապատ մեքենա է պայթել, կա 1 զոհ, 4 վիրավոր, հայտնում է CNN-ը։
ԱՄՆ Հետաքննությունների դաշնային բյուրոն (FBI) տեղի ունեցածն ահաբեկչություն է որակել։
«Սա կանխամտածված ահաբեկչություն է: Հետաքննության ընթացքում մենք կպարզենք՝ սա միջազգային ահաբեկչությո՞ւն էր, թե՞ ներքին ահաբեկչություն»,-մամուլի ասուլիսի ժամանակ ասել է ՀԴԲ Լոս Անջելեսի գլխավոր տնօրենի օգնական Ակիլ Դևիսը:
Պայթյունն իրականցրել է 25-ամյա մի երիտասարդ, որը թողած երկտողում պնդել է՝ լույս աշխարհ գալու համար համաձայնություն չէր տվել: Ուստի, որպես հարձակման թիրախ միտումնավոր ընտրել է բուժհաստատությունը, որտեղ մարդիկ գիտակցաբար պլանավորում են երեխա ունենալ։
