27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Ռումինիայում նախագահական ընտրությունների 2-րդ փուլն է ընթանում
Քաղաքականություն
18.05.2025 | 10:36
Ռումինիայում այսօր՝ մայիսի 18-ին, տեղի է ունենում նախագահական ընտրությունների երկրորդ փուլը։ Մայիսի 4-ին կայացած առաջին փուլից հետո երկրորդ փուլ է անցել 2 թեկնածու՝ աջ ծայրահեղական Ջորջե Սիմիոնը, որը ստացել էր ձայների մոտ 41%-ը, և Բուխարեստի քաղաքապետ, լիբերալ-առաջադեմ Նիկուշոր Դանը, որը ստացել էր ձայների 20,99%-ը։ Չնայած Սիմիոնը Դանից գրեթե երկու անգամ ավելի շատ ձայներ է ստացել, երկրորդ փուլում նրա հաղթանակը երաշխավորված չէ, հայտնում է DW-ն։
Վերջին սոցիոլոգիական հարցումները ցույց են տալիս թեկնածուների միջև եղած տարբերության արագ կրճատումը. օրինակ՝ AtlasIntel ծառայության կողմից անցկացված հարցումը ցույց է տվել հավասարություն՝ յուրաքանչյուրի համար 48%, իսկ IRSOP-ի վերջերս անցկացված հարցումն առաջին անգամ առաջատարությունը տվել է Դանին՝ 52%՝ Սիմիոնի 48%-ի դեմ, գրում է Politico հրատարակությունը։
«Կարելի է կասկածել սոցիալական հետազոտությունների տվյալներին, բայց փաստն այն է, որ Ռումինիայում եվրոպամետ ուժերին հաջողվել է միավորվել Նիկուշոր Դանի շուրջ։ Երկրորդ փուլ չանցած թեկնածուների ընտրազանգվածի զգալի մասը անցել է նրա կողմը»,-նշում է DW-ն։
Նշենք նաև, որ Սիմիոնը դեմ է Բուխարեստի կողմից Ուկրաինային ցուցաբերվող աջակցությանը։ Մյուս կողմից, Նիկուշոր Դանը արևմտամետ դիրքորոշում է որդեգրել, պաշտպանում է Ռումինիայի անդամակցությունը ԵՄ-ին և ՆԱՏՕ-ին։ Նա աջակցում է Ուկրաինային՝ ասելով, որ Կիևին ռազմական աջակցության պահպանումը անհրաժեշտ է ազգային անվտանգության համար։
Լուսանկարում՝ Ջորջե Սիմիոն (ձախից) և Նիկուշոր Դանը։
