21.01.2026 | 23:30
Ինչ իրավիճակ է Հայաստանի ճանապարհներին և Լարսում
Պայթյուն ուկրաինական Չեռնիգովի զինապահեստում. ավելի քան 60 տուժած կա
Քաղաքականություն
09.10.2018 | 13:49
Ուկրաինայի Չեռնիգովի մարզի զինապահեստում պայթյուն է որոտացել, ինչի արդյունքում հրդեհ է առաջացել: Այս մասին տեղեկացնում է Ուկրաինայի ԶՈՒ գլխավոր շտաբը. գրում է tass.ru-ն:
Երկրի ԶՈՒ 6-րդ զինապահեստը գտնվում է Չեռնիգովի Իչնյա բնակավայրի մերձակայքում: Փրկարարական օպերատիվ շտաբի տվյալներով՝ պատահարի գոտում մինչև 20 հազար մարդ է բնակվում: Արտակարգ պատահարի հետևանքների վերացման աշխատանքները համակարգելու համար շտաբ է ստեղծվել, շուրջ 12 հազար մարդ արդեն տարհանվել է:
Պատահարի հետևանքով զոհեր չկան, սակայն 63 մարդ վատ ինքնազգացողությամբ և թունավորում ախտորոշմամբ բուժհաստատություններ է դիմել:
Նշենք, որ սեպտեմբերին էլ հրդեհ էր բռնկվել Վինիցկի մարզի Կալինովկայում գտնվող զինապահեստում: Պատահարի հետևանքով մեծ քանակությամբ սպառազինություն է ոչնչացել, այդ թվում՝ «Սմերչ», «Ուրագան», «Գրադ» համակարգեր:
