Քաղաքականություն
16.05.2025 | 14:26
Եվրամիությունը սպասում է Ադրբեջանի և Հայաստանի միջև խաղաղության պայմանագրի շուտափույթ ստորագրմանը։ Այս մասին Ալբանիայում Եվրոպական քաղաքական համայնքի գագաթնաժողովի մեկնարկից առաջ լրագրողների հետ ճեպազրույցում հայտարարել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ, Եվրահանձնաժողովի փոխնախագահ Կայա Կալլասը։
Նա նշել է, որ Բաքուն ու Երևանը շատ մոտ են համաձայնագրին։
«Կարծում եմ՝ խաղաղության պայմանագրի հնարավորինս շուտ ստորագրումը բոլոր կողմերի շահերից է բխում»,- հավելել է նա։
Կալլասը հայտնել է, որ գագաթնաժողովի շրջանակում նախատեսում է հանդիպել Հայաստանի վարչապետ Նիկոլ Փաշինյանի հետ։
«Ես այստեղ կհանդիպեմ Հայաստանի վարչապետի հետ։ Ես նաև կգնամ Հայաստան։ Կարծում եմ՝ կարևոր է նաև մտածել այն մասին, թե ինչ կարող ենք անել տարածաշրջանում լարվածությունը նվազեցնելու համար»,- հայտարարել է ԵՄ դիվանագիտության ղեկավարը։
Թարգմանությունը՝ Էմմա Չոբանյանի
