18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Եկել Լևոն Քոչարյանի սեռական բնույթի հայհոյանքներից հետո մեկնաբանությունը բերում եք առաջին պլա՞ն․ ՏԵՍԱՆՅՈՒԹ
Քաղաքականություն
16.05.2025 | 10:44
Երբ Արսեն Թորոսյանն ասում է՝ քաղաքական վենդետա լինելու է, նկատի է ունեցել, որ մենք մինչև վերջ իրականացնելու ենք մեր քաղաքական հանձնառությունները։
Դրանց արդյունքում, այո՛, այդ մարդիկ քաղաքականապես վերանալու են։ Այս մասին խորհրդարանական ճեպազրույցների ժամանակ հայտարարեց «Քաղաքացիական պայմանագիր» խմբակցության քարտուղար Արթուր Հովհաննիսյանը։
Հարցին՝ չի՞ կարծում, որ Արսեն Թորոսյանի նկատմամբ էլ պետք է վենդետա լինի, Հովհաննիսյանը պատասխանեց․«Հարցադրումը որևէ հիմնավորում չի կարող ունենալ, որովհետև քաղաքական վենդետա և, առհասարակ, վենդետա են իրականացնում այն մարդկանց նկատմամբ, որոնք մեղավորություն ունեն ու անունները, որ համեմատում եք, ընդհանրապես համեմատելու չեն»։
Արթուր Հովհաննիսյանն ասաց՝ Արսեն Թորոսյանն իրենց հետ հավասար պայքարում է ՀՀ անկախության ու ինքնիշխանության համար, և պայքարում է այն մարդկանց դեմ, որոնց մասին խոսել է։
«Դուք Լևոն Քոչարյանի բառամթերքը համեմատում եք Արսեն Թորոսյանի բառամթերքի հե՞տ։ Լևոն Քոչարյանը տվել է սեռական բնույթի հայհոյանք՝ իր ողջ պերճանքով ու դրան եղել է պատասխան»,- ասաց ՔՊ-ական պատգամավորը։
Մանրամասները՝ տեսանյութում։
