07.10.2026 | 22:33
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
Թումանյան, Հանրապետություն փողոցների և Սայաթ Նովա պողոտայի խաչմերուկում բազմաֆունկցիոնալ բնակելի համալիր կկառուցվի՞․ նախագիծը՝ ավագանու նիստի օրակարգում
Տնտեսություն
15.05.2025 | 19:47
Երևան քաղաքի Կենտրոն վարչական շրջանի Թումանյան փողոց 8, Հանրապետության փողոց հ. 83 տուն 1 ավտոտնակ, 83/2 բնակելի տուն, 85 շենք 9 ավտոտնակ, Սայաթ Նովա պողոտա հ. 20/5 հասցեներում բազմաֆունկցիոնալ բնակելի համալիրի կառուցման նախատեսվող գործունեության իրականացմանը տրամադրել նախնական համաձայնություն: «Պրեմիում պլազա» ընկերությունն է այսպիսի նախագիծ ներկայացրել Երևանի ավագանու համաձայնությանը։
Նախագիծը չզեկուցվող ընթացակարգով ներառված է ավագանու մայիսի 20-ի նիստի օրակարգում։ Սա նշանակում է, որ ավագանու նիստի ընթացքում այս հարցը չի քննարկվի, այլ միանգամից քվեարկության կդրվի։
Ի դեպ, նիստի օրակարգում ընդգրկված 21 հարցերից միայն վերջին հարցն է զեկուցվող։ Այն «Երևան քաղաքի ավագանու 2025 թվականի մարտի 18-ի N 313-Ա» որոշման մեջ փոփոխություններ անելու մասին է։ Որոշման նախագծով առաջարկվում է 2025թ. հունվար-մայիս ամիսների աղբահանության վճարն օրենքով սահմանված ժամկետներում չվճարած ֆիզիկական ու իրավաբանական անձանց, ինչպես նաև պետական ու տեղական ինքնակառավարման մարմիններին մինչև 2025 թվականի հուլիսի 31-ը ներառյալ ազատել տույժերը վճարելու պարտականությունից:
Արփի Հակոբյան
