08.08.2026 | 16:10
Քրեական վարույթի շրջանակում անձի անձնական և ընտանեկան կյանքին առնչվող տվյալների անհարկի հրապարակումն անթույլատրելի է. ՄԻՊ
Ալեքսիս Օհանյանը գնել է «Չելսի» ֆուտբոլային ակումբի կանանց թիմի 10% բաժնեմասը
Քաղաքականություն
15.05.2025 | 22:55
«Reddit» սոցցանցի համահիմնադիր, հայազգի Ալեքսիս Օհանյանը ձեռք է բերել Սուպերլիգայի չեմպիոն «Չելսիի» կանանց ֆուտբոլային թիմի բաժնետոմսերի մոտ 10%-ը։ Նա հաստատել է սոցիալական ցանցերում տարածված հաղորդագրություններն այն մասին, որ լոնդոնյան ակումբի իր բաժնեմասի համար վճարել է 20 միլիոն ֆունտ (26,52 միլիոն դոլար):
«Ես նախկինում էլ մեծ խաղադրույքներ եմ կատարել կանանց սպորտում, և կրկին դա անում եմ։ Հպարտությամբ եմ հայտարարում, որ միանում եմ ChelseaFCW-ին՝ որպես ներդրող և տնօրենների խորհրդի անդամ։ Ես մեծ պատիվ եմ համարում հնարավորություն ունենալ օգնելու այս պաշտամունքային ակումբին՝ դառնալ Ամերիկայի սիրելի BarclaysWSL թիմը և շատ-շատ ուրիշների»,- նշել է Օհանյանը։
Ալեքսիս Օհանյանը նախկինում եղել է «Էյնջել Սիթի» ակումբի ամենամեծ բաժնետերը, որը նա մեծ շուքով հիմնադրել է 2020 թվականին, նախքան այն վաճառելը 2024 թվականին՝ 250 միլիոն դոլարով։
Նա նաև հիմնադրել է «Աթլոս Նյու Յորք»-ը՝ միայն կանանց համար նախատեսված թեթև ատլետիկայի մրցաշար, որի բացման միջոցառումը տեղի է ունեցել սեպտեմբերին, և որի հաղթողներից յուրաքանչյուրը ստացել է 60,000 դոլար։
Թարգմանությունը՝ Էմմա Չոբանյանի
