18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Թուրքիայում չեն սպասում Թրամփին մայիսի 15-ին, սակայն չեն բացառում առաջիկա օրերին այցը․ Bloomberg
Քաղաքականություն
14.05.2025 | 21:19
ԱՄՆ նախագահ Դոնալդ Թրամփն ասել է, որ քիչ հավանական է, որ հինգշաբթի՝ մայիսի 15-ին կայցելի Թուրքիա՝ Ռուսաստանի և Ուկրաինայի միջև խաղաղության բանակցությունների համար, ասելով, որ ըստ նախատեսվածի՝ կմեկնի Արաբական Միացյալ Էմիրություններ։ Լրագրողների հետ զրույցում Թրամփը նշել է, որ իր գրաֆիկը չափազանց խիտ է՝ Աբու Դաբի մեկնելուց առաջ ևս մեկ կանգառ ներառելու համար, չնայած նա դուռը բաց է թողել վերջին րոպեի հնարավոր փոփոխության կամ ավելի ուշ այցի համար, գրում է Bloomberg-ը։
«Վաղը մենք բոլորս զբաղված ենք, դուք հասկանում եք դա, մենք պատրաստ ենք»,- լրագրողներին ասել է Թրամփը Air Force One-ում՝ Կատար մեկնելու ճանապարհին։
ԱՄՆ նախագահը նշել է, որ դեռևս պարզ չէ՝ Ռուսաստանի նախագահ Վլադիմիր Պուտինը կմիանա՞ քննարկումներին, թե՞ ոչ։
«Ես չգիտեմ՝ նա կգա՞, թե՞ ոչ։ Գիտեմ, որ նա կցանկանար, որ ես այնտեղ լինեմ, և դա հնարավոր է, և եթե մենք կարողանայինք ավարտել պատերազմը, ես կմտածեի այդ մասին։ Այսպիսով, մենք ունենք շատ լարված իրավիճակ։ Դա չի նշանակում, որ ես չէի անի դա՝ շատ կյանքեր փրկելու և վերադառնալու համար»,- ասել էր Թրամփը։
Նրա այս մեկնաբանությունները ցույց են տալիս, որ մասնակցությունը կարող է կախված լինել նրանից՝ արդյո՞ք Պուտինը կմասնակցի գագաթնաժողովին։
Թուրք պաշտոնյաները չեն սպասում Թրամփի հինգշաբթի օրվա այցին, բայց նրանք չեն բացառում առաջիկա օրերին այցի հնարավորությունը, մասնավորապես, եթե Պուտինը միանա նրան։ Այս մասին Bloomberg-ին ասել են թուրք բարձրաստիճան պաշտոնյաները՝ անանունության պայմանով, քանի որ նախապատաստական աշխատանքները գաղտնի են։
Ուկրաինայի նախագահ Վլադիմիր Զելենսկին էլ մինչ այս հայտարարել է, որ չի բանակցի Ռուսաստանի հետ, եթե նրանք չհանդիպեն Պուտինի հետ։
Ռուսաստանը և Ուկրաինան պատրաստվում են անցկացնել իրենց առաջին ուղիղ բանակցությունները տարիների ընթացքում, քանի որ Մոսկվայի վրա ճնշում է գործադրվում՝ համաձայնվելու 30-օրյա հրադադարի։
ԱՄՆ պետքարտուղար Մարկո Ռուբիոն նախատեսում է մասնակցել հանդիպումներին՝ հատուկ բանագնացներ Սթիվ Ուիթկոֆի և Քիթ Քելլոգի հետ միասին։
Կրեմլի խոսնակ Դմիտրի Պեսկովն իր հերթին հայտարարել էր, որ դեռևս պատրաստ չէ նշել բանակցություններին մասնակցող ռուսական պատվիրակության կազմը։
Թարգմանությունը՝ Էմմա Չոբանյանի
