06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Բաքվում շինծու գործերով նիստում մի շարք «տուժողներ» իբր Քարվաճառում հայկական ուժերի «հանցանքների» մասին ցուցմունքներ են տվել
Քաղաքականություն
12.05.2025 | 22:23
Բաքվի զինվորական դատարանում այսօր տեղի է ունեցել Արցախի ղեկավարների և այլ պաշտոնյաների շինծու գործերով հերթական դատական նիստը՝ դատավոր Զեյնալ Աղաևի նախագահությամբ։ Ադրբեջանական լրատվամիջոցների հաղորդմամբ, այսպես կոչված, «տուժողները» դատարանում ցուցմունք են տվել Քարվաճառի շրջանում, այդ թվում՝ Բաշլիբել (Ապահեն) գյուղում՝ «Թունել» կոչվող տարածքում և շրջանի այլ տարածքներում, իբր, «Հայաստանի զինված ուժերի կողմից ադրբեջանցիների սպանությունների, ինչպես նաև խաղաղ բնակիչների նկատմամբ հատկապես ծանր հանցագործությունների կատարման մասին»։
«Տուժողներից» Էլշադ Ազիզովն ասել է, թե, իբր, «հայկական զինված ուժերի կողմից Բաշլիբելի վրա հարձակման հետևանքով ստացել է ձեռքի հրազենային վնասվածք, և որ հարձակման հետևանքով զոհվել է 12 մարդ»։
Հաջորդ դատական նիստը նշանակվել է մայիսի 15-ին։
Թարգմանությունը՝ Էմմա Չոբանյանի
