29.04.2026 | 21:52
Թրամփը Սպիտակ տանը հանդիպել է էներգետիկ ընկերությունների ղեկավարների հետ
Բաքվում Արցախի ղեկավարների շինծու գործերով նիստում «տուժողներ» են ցուցմունքներ տալիս
Քաղաքականություն
12.05.2025 | 17:28
Բաքվում ընթացող Արցախի ղեկավարների և այլ պաշտոնյաների նկատմամբ հարուցված շինծու գործերով նիստում, այսպես կոչված, «տուժողներ» են ցուցմունք տալիս։ Ադրբեջանական լրատվամիջոցների հաղորդմամբ՝ «տուժող» Էլշադ Ալիշովը ցուցմունք է տվել, իբր, «Հայաստանի զինված ուժերի կողմից Քարվաճառի Բաշլիբել (Ապահեն) գյուղի բնակչության ոչնչացման մասին»։
Նա հայտարարել է, թե Քարվաճառի «օկուպացումից» հետո իրենք ստիպված են եղել լքել գյուղը։
«Հայերը շրջապատեցին թունելը։ Երբ մենք անցնում էինք այնտեղով, կրակ բացեցին մեր մեքենայի վրա։ Արդյունքում մայրս վիրավորվեց ոտքից, իսկ քույրս բերանի խոռոչի միջանցիկ վերք ստացավ։ Ես մորս դուրս տարա մեջքիս վրա, բայց չկարողացա եղբորս և մյուսներին դուրս հանել։ Նրանց ճակատագրի մասին դեռևս լուր չկա»,- հայտարարել է Ալիշովը։
Դատական նիստը շարունակվում է։
Թարգմանությունը՝ Էմմա Չոբանյանի
