01.08.2026 | 23:46
Արման Ծառուկյանը հաղթեց երևանյան մենամարտում. ՏԵՍԱՆՅՈՒԹ
Մենք, պատկերավոր ասած, չենք դառնալու Սերժ Քոչարյան․ Արթուր Հովհաննիսյան․ ՏԵՍԱՆՅՈՒԹ
Քաղաքականություն
12.05.2025 | 10:56
ԱԺ նիստում Գլխավոր դատախազության նախորդ տարվա տարեկան հաշվետվության զեկույցի քննարկման ժամանակ ելույթ ունեցավ «Քաղաքացիական պայմանագիր» խմբակցության քարտուղար Արթուր Հովհաննիսյանը։ Նա հայտարարեց, որ իրենք չենք գնացել վենդետաների ու ունեցվածք խլելու ճանապարհով։
«Մենք ստեղծել ենք մեխանիզմ, որը չի ճանաչում անուն-ազգանուններ, տարեթվեր, պաշտոններ ու ծանոթներ։ Մենք երկիրը չեն տանելու կործանման, որովհետև դա է ինքնաոչնչացման ամենաուղիղ ու ամենակարճ ճանապարհը։ Մենք չենք դառնալու Ռոբերտ Քոչարյան կամ՝ Սերժ Սարգսյան կամ՝ Սերժ Քոչարյան»,- նշեց Հովհաննիսյանը՝ խոսելով ապօրինի ծագում ունեցող գույքի բռնագանձման մասին։
Իշխող ուժի ներկայացուցիչն անդրադարձավ ընդդիմադիր Արծվիկ Մինասյանի մեղադրանքներին, թե ՔՊ-ականները հարստանում են։
«Մեզ ասում են, որ թալանում ենք, որ դարձել ենք ամենահարուստները։ Ասում են՝ շատ լավ իմանալով, որ դա բացարձակ սուտ է։ Օրինակ՝ Արծվիկ Մինասյանի մեքենան իմ մեքենայից ավելի թանկ է։ Նման տեքստեր ասելուց առաջ նայե՛ք Սեյրան Օհանյանի աչքերի մեջ ու կտեսնեք մի քանի հարկանի առանձնատուն։ Նայե՛ք Աննա Գրիգորյանի աչքերի մեջ, կտեսնեք ՀԷԿ-երը։ Նայե՛ք Աղվան Վարդանյանի աչքերի մեջ և կարող եք տեսնել, թե ինչպես են, օրինակ, Դավթաշենից մի կտոր պոկում դարձնում Զովունի, որ վրան հարմար տուն սարքեն։ Նայե՛ք Լևոն Քոչարյանի աչքերի մեջ ու կտեսնեք միլիոնավոր դոլարներ, որոնք հարյուրավոր մարդկանց կյանքի փող պետք է լինեին։
Եվ, վերջապես, նայեք Ռոբերտ Քոչարյանի աչքերի մեջ, կտեսնեք Հոկտեմբերի 27-ը, Մարտի 1-ը, Պողոս Պողոսյանին։ Իրար աչքերի մեջ նայեք ու կտեսնեք ԼՂ-ի հանձնումը»,- հակադարձեց ՔՊ խմբակցության քարտուղարը։
Մանրամասերը՝ տեսանյութում։
