16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Ուկրաինան պետք է անհապաղ համաձայնվի ՌԴ-ի հետ հանդիպման առաջարկին. Թրամփ
Քաղաքականություն
11.05.2025 | 20:50
Ռուսաստանի նախագահ Պուտինը չի ցանկանում Ուկրաինայի հետ հրադադար հաստատել, բայց ցանկանում է հինգշաբթի հանդիպել Թուրքիայում՝ քննարկելու արյունալի սպանդի հնարավոր ավարտը: Այս մասին գրել է ԱՄՆ նախագահ Դոնալդ Թրամփն իր Truth Social-ում։
«Ուկրաինան պետք է անհապաղ համաձայնվի դրան: Առնվազն նրանք կկարողանան որոշել, թե արդյոք հնարավոր է համաձայնություն, իսկ եթե ոչ, ապա եվրոպացի առաջնորդները և ԱՄՆ-ը կիմանան, թե ինչպիսին է իրադրությունը և կարող են համապատասխանաբար գործել:
Ես սկսում եմ կասկածել, որ Ուկրաինան գործարքի կգնա Պուտինի հետ, որը չափազանց զբաղված է Երկրորդ համաշխարհային պատերազմում տարած հաղթանակը տոնելով, որում հնարավոր չէր հաղթել (ընդհանրապես հնարավոր չէր) առանց Ամերիկայի Միացյալ Նահանգների։ ՍԿՍՈՒՄ ԵՆՔ ՀԱՆԴԻՊՈՒՄԸ, ՀԵՆՑ ՀԻՄԱ՛!» – նշել է ԱՄՆ նախագահը:
Գրառման վերջում Թրամփը կոչ է արել կողմերին հնարավորինս շուտ անցկացնել հանդիպումը:
Հիշեցնենք՝ Ռուսաստանի նախագահ Վլադիմիր Պուտինը անցած գիշեր առաջարկել է Ուկրաինային մայիսի 15-ին Ստամբուլում ուղիղ բանակցություններ անցկացնել՝ առանց նախապայմանների՝ «հակամարտության պատճառները վերացնելու, և պատմական հեռանկարում երկարաժամկետ, ամուր խաղաղություն հաստատելու» նպատակով։ Այս կերպ նա արձագանքել է Ուկրաինայի և չորս եվրոպական երկրների կողմից մայիսի 12-ից 30-օրյա հրադադարի առաջարկին, թեև այն բացահայտ չի մեկնաբանել։
Ավելի ուշ ՌԴ ԱԳՆ-ում ընդգծել են, որ Ռուսաստանը պնդում է նախ Ստամբուլում Ուկրաինայի հետ բանակցությունների անցկացման անհրաժեշտությունը՝ մինչև երկարաժամկետ հրադադարի հնարավոր հաստատումը։
Կիևում մերժել են ցանկացած բանակցություն ագրեսոր երկրի հետ՝ մինչև լիակատար, երկարաժամկետ և վստահելի հրադադար։
