19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Մերցը կոչ է արել Պուտինին դադարեցնել կրակը մայիսի 12-ից սկսած․ «Սկզբում զենքը պետք է լռի»
Քաղաքականություն
11.05.2025 | 19:28
Գերմանիայի կանցլեր Ֆրիդրիխ Մերցը այսօր՝ մայիսի 11-ին, կոչ է արել ՌԴ նախագահ Վլադիմիր Պուտինին համաձայնվել մայիսի 12-ից կրակի դադարեցման հետ, փոխանցում է DW-ն։
«Եթե ռուսական կողմը հիմա պատրաստակամություն է ցուցաբերում բանակցությունների, դա լավ նշան է։ Սակայն դա ակնհայտորեն բավարար չէ»,-հայտարարել է Մերցը։
Գերմանիայի կանցլերի խոսքով՝ Մոսկվայի համաձայնությունը «լռության ռեժիմին» միակ ճանապարհն է իրական բանակցությունների հնարավորությունը ստեղծելու համար․ «Սկզբում զենքը պետք է լռի, և միայն դրանից հետո կարելի է բանակցություններ սկսել»։
Ավելի վաղ նման հայտարարություն էր արել Ֆրանսիայի նախագահ Էմանուել Մակրոնը։ Նա անընդունելի էր համարել իրավիճակը, երբ ուկրաինացիները բանակցություններ վարեն, մինչդեռ նրանց շարունակում են ռմբակոծել։
Հիշեցնենք՝ Ռուսաստանի նախագահ Վլադիմիր Պուտինը անցած գիշեր առաջարկել է Ուկրաինային մայիսի 15-ին Ստամբուլում ուղիղ բանակցություններ անցկացնել՝ առանց նախապայմանների՝ «հակամարտության պատճառները վերացնելու, և պատմական հեռանկարում երկարաժամկետ, ամուր խաղաղություն հաստատելու» նպատակով։ Այս կերպ նա արձագանքել է Ուկրաինայի և չորս եվրոպական երկրների կողմից մայիսի 12-ից 30-օրյա հրադադարի առաջարկին, թեև այն բացահայտ չի մեկնաբանել։
Ավելի ուշ ՌԴ ԱԳՆ-ում ընդգծել են, որ Ռուսաստանը պնդում է նախ Ստամբուլում Ուկրաինայի հետ բանակցությունների անցկացման անհրաժեշտությունը՝ մինչև երկարաժամկետ հրադադարի հնարավոր հաստատումը։
Կիևում մերժել են ցանկացած բանակցություն ագրեսոր երկրի հետ՝ մինչև լիակատար, երկարաժամկետ և վստահելի հրադադար։
