12.03.2026 | 19:49
Պապիկյանը Բրյուսելում հանդիպել է Բելգիայի պաշտպանության նախարարի հետ
«Նախ՝ բանակցություններ, ապա՝ հրադադար»․ ՌԴ ԱԳՆ-ն՝ Զելենսկիի առաջարկի մասին
Քաղաքականություն
11.05.2025 | 15:38
Ռուսաստանի արտաքին գործերի նախարարության խոսնակ Մարիա Զախարովան հայտարարել է, որ հրադադարի հարցը կքննարկի միայն Ստամբուլում կայանալիք բանակցություններից հետո, փոխանցում է «ՏԱՍՍ»-ը։
Վլադիմիր Պուտինի՝ Ստամբուլում բանակցություններ վարելու առաջարկից հետո Զելենսկին նշեց, որ Կիևը պատրաստ է բանակցություններ սկսել մայիսի 12-ից, եթե Մոսկվան դադարեցնի կրակը։
Զախարովայի խոսքով՝ Ուկրաինայի նախագահի աշխատակազմը «վատ է կարդացել Ռուսաստանի նախագահի հայտարարության սղագրությունը և նրան աջակցող համաշխարհային քաղաքական գործիչների ու լրատվամիջոցների հարյուրավոր մեկնաբանությունները»։
«Նախ՝ բանակցություններ արմատական պատճառների վերաբերյալ, ապա կարող ենք խոսել հրադադարի մասին», – հավելել է Զախարովան։
