08.08.2026 | 11:24
Արթիկի դպրոցի հաշվապահը կատարել է առանձնապես խոշոր չափերի հափշտակություն. Հակակոռուպցիոն կոմիտե
Էրդողանը և Պուտինը հեռախոսազրույց են ունեցել
Քաղաքականություն
11.05.2025 | 15:10
Թուրքիայի նախագահ Ռեջեփ Թայիփ Էրդողանը և Ռուսաստանի նախագահ Վլադիմիր Պուտինն այսօր՝ մայիսի 11-ին, հեռախոսազրույց են ունեցել։ Այս մասին ասվում է Թուրքիայի նախագահի աշխատակազմի տարածած հայտարարության մեջ։
Հեռախոսազրույցի ընթացքում քննարկվել են Թուրքիայի և Ռուսաստանի միջև երկկողմ հարաբերությունները, տարածաշրջանային և համաշխարհային հարցեր։
Էրդողանը Պուտինին տեղեկացրել է Անկարայի պատրաստակամության մասին՝ ընդունելու Ուկրաինայի հարցով բանակցությունները։
Թուրքիայի նախագահը ողջունել է Պուտինի հայտարարությունը Ստամբուլում Ուկրաինայի հարցով բանակցությունների վերսկսման վերաբերյալ։
«Խաղաղության հասնելու նոր հնարավորություններ են ի հայտ եկել։ Համապարփակ հրադադարը կստեղծի խաղաղ բանակցությունների համար անհրաժեշտ միջավայր», – ասել է Էրդողանը։
