08.10.2026 | 15:55
Եթե միտում լիներ դահլիճ մտնելու, կմտնեին. Տիգրան Աբրահամյանը` օգնականների գործողությունների մասին․ ՏԵՍԱՆՅՈՒԹ
«Թուրքիան պատրաստ է նպաստել Ուկրաինայում հրադադարի հաստատմանը»․ Էրդողան
Քաղաքականություն
11.05.2025 | 14:42
Թուրքիան պատրաստ է ցանկացած ներդրում ունենալ, ներառյալ բանակցությունների կազմակերպումը, Ուկրաինայում հրադադարի և կայուն խաղաղության ապահովման համար: Այս մասին հայտարարել է Թուրքիայի նախագահ Ռեջեբ Թայիփ Էրդողանը Ֆրանսիայի նախագահ Էմանուել Մակրոնի հետ զրույցում, փոխանցում է Anadօlu-ն։
Թուրքիայի նախագահը հավելել է, որ կարևոր է շարունակել համագործակցությունը՝ Մոսկվայի և Կիևի միջև խաղաղության բանակցություններ սկսելու համար։
Ավելի վաղ Ռուսաստանի նախագան առաջարկել էր Ուկրաինային վերսկսել ուղիղ բանակցությունները առանց որևէ նախապայմանի։ Պուտինը համապատասխան նախաձեռնության մասին հայտարարել է Կրեմլում լրագրողների հետ հանդիպման ժամանակ։ Առաջարկվում է վերսկսել բանակցությունները մայիսի 15-ին Ստամբուլում։
Ուկրաինայի նախագահ Վլադիմիր Զելենսկին հայտարարել է, որ Ուկրաինան պատրաստ է հանդիպման, երբ Ռուսաստանը հաստատի մայիսի 12-ից սկսած լիակատար հրադադարը:
Նա Telegram-ի իր ալիքում գրել է․ «Սա լավ նշան է, որ ռուսներն ի վերջո սկսել են մտածել պատերազմի ավարտի մասին։ Աշխարհում բոլորը վաղուց էին դրան սպասում։ Եվ ցանկացած պատերազմի իրական ավարտի առաջին քայլը կրակի դադարեցումն է։ Անիմաստ է շարունակել սպանությունները նույնիսկ մեկ օրով։
Սպասում ենք, որ Ռուսաստանը կհաստատի կրակի դադարեցումը՝ ամբողջական, երկարաժամկետ և վստահելի՝ սկսած վաղվանից՝ մայիսի 12-ից, և Ուկրաինան պատրաստ կլինի հանդիպման»։
