14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Ադրբեջանի ԱԳՆ-ն «սև ցուցակում» կներառի իտալացի և սլովենացի երաժիշտների՝ Արցախ այցելելու համար
Հասարակություն
02.05.2017 | 12:54
Ադրբեջանի արտգործնախարարությունը «սև ցուցակում» կներառի Իտալիայից և Սլովենիայից երաժիշտների՝ Լեռնային Ղարաբաղ այցելության համար: Այդ մասին «Ինտերֆաքս-Ադրբեջան»-ին ասել է Ադրբեջանի արտաքին քաղաքական գերատեսչության մամուլի խոսնակ Հիքմեթ Հաջիևը:
«Իտալիայում և Սլովենիայում Ադրբեջանի դեսպանատները հետաքննում են այդ երկրների երաժիշտների կողմից ապօրինի կերպով ադրբեջանական օկուպացված տարածքներ այցելելու հարցը, ինչի կապակցությամբ պաշտոնական հարցումներ կուղարկվեն համապատասխան կառույցներին»,- նշել է Հաջիև:
Խոսքն Արցախի իշխանությունների հրավերով Շուշիում անցկացված համերգին մասնակցած իտալացի դաշնակահար և դիրիժոր Լուկա Ֆերինիի, սլովենացի կլառնետահար Յոժե Կոտարի և ջութակահար Չրտոմիր Շիշկովիչի մասին է:
