Քաղաքականություն
08.05.2025 | 10:40
Թուրքիան և Իսրայելը մայիսի 8-ին բանակցություններ կանցկացնեն Բաքվում՝ Ադրբեջանի միջնորդությամբ։Այս մասին հայտնում է իսրայելական Kan-ը։
Ըստ լրատվամիջոցի այս բանակցությունների շրջանակներում Իսրայելը կառաջադրի երկու հիմնական պահանջ՝ Սիրիայի հետ սահմանի մոտ չլինի ռազմական ուժ, որը կսպառնա Իսրայելին, և որ Սիրիան չունենա ռազմավարական զենք, որը Իսրայելին կսպառնա։
Իսրայելի վարչապետ Բենիամին Նեթանյահուի մայիսի 8-ին կայանալիք այցը Ադրբեջան հետաձգվել էր անվտանգության հետ կապված իրադարձությունների, առաջին հերթին՝ Գազայում զորավարժությունների ընդլայնման պատճառով։ Նեթանյահուն, ինչպես սպասվում էր, իր այցի ընթացքում հանդիպելու էր Ադրբեջանի նախագահ Իլհամ Ալիևի հետ և քննարկելու երկու երկրների միջև կապերի ամրապնդման հարցերը։ Լրատվամիջոցը գրում է, որ Ադրբեջանը լայն անվտանգային կապեր ունի Իսրայելի հետ և միջնորդում է Իսրայելի և Թուրքիայի միջև Սիրիայում ստեղծված իրավիճակի շուրջ բանակցությունները։
Ըստ լրատվամիջոցների տեղեկությունների՝ Նեթանյահուն իր այցը Բաքու իրականում չեղարկել է, քանի որ Թուրքիան արգելել է, որպեսզի Իսրայելի վարչապետի ինքնաթիռն օգտագործի իր օդային տարածքը։
Հիշեցնենք, որ ապրիլի 9-ին Բաքվում կայացել էր Սիրիայի հարցով Թուրքիայի ու Իսրայելի միջև հանդիպում։
Թարգմանությունը՝ Էմմա Չոբանյանի
