«Արգելոցը» կփոխարինվի «հնավայր» բառով, «կայացած համակարգը խի՞ եք քանդում»․ պատգամավորը՝ փոխնախարարին․ ՏԵՍԱՆՅՈՒԹ

Ազգային ժողովը քննարկում է Կառավարության ներկայացրած՝ «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» օրենքում լրացումներ և փոփոխություններ կատարելու մասին և կից ներկայացված օրենքների նախագծերի փաթեթն առաջին ընթերցմամբ ընդունելու մասին հարցը:

Հիմնական զեկուցող, ԿԳՄՍ նախարարի տեղակալ Ալֆրեդ Քոչարյանը ներկայացրեց, որ օրենքի նախագծով երկու հիմնական փոփոխություններ են նախատեսվում:

Պաշտոնյան նշեց, որ նախատեսվում է «արգելոց-թանգարան» եզրույթը փոխարինել «հնավայր-թանգարան» եզրույթով:

Ալֆրեդ Քոչորյանը նաև նշեց, որ «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» տեքստում օգտագործվում է «արգելոց» բառը, ինչը չի համպատասխանում միջազգային տերմինաբանությանը:

«Առաջարկվում է ճարտարապետահատակագծային առաջադրանքներն ու շինարարության թույլտվությունները ԿԳՄՍ նախարարության կողմից տրամադրել միայն ՀՀ պետական սեփականություն համարվող և օտարման ոչ ենթակա հնագույն, հին և միջնադարյան ժամանակաշրջանների պատմության և մշակույթի հուշարձանների, ինչպես նաև Մայր Աթոռ Սուրբ Էջմիածնին հանձնված հուշարձանների համար»,- հավելեց փոխնախարարը։

Ընդդիմադիր պատգամավոր Արման Ղազարյանը համաձայն չէր փոխնախարարին ներկայացրած առաջարկների հետ։ Ըստ նրա՝ սխալ է տեղական ինքնակառավարման մարմիններից վերցնել հուշարձաններին ճարտարապետահատակագծային թույլտվություն տալու իրավասությունը և փոխանցել ԿԳՄՍ-ին։

Մանրամասները՝ տեսանյութում։