22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
ՀՀԿ-ն, ՀՅԴ-ն և «Ծառուկյան» դաշինքը պետք է հաշվի առնեն հանրային պահանջը. Լենա Նազարյան․ ՏԵՍԱՆՅՈՒԹ
Քաղաքականություն
08.10.2018 | 12:03
Ազգային ժողովի «Ելք» խմբակցության ղեկավար Լենա Նազարյանը ԱԺ ՀՅԴ խմբակցությունից մինչ օրս որևէ հոդաբաշխ նախադասություն չի լսել այն մասին, թե ինչո՞ւ օրինակ արտահերթ խորհրդարանական ընտրությունները չպետք է անցկացվեն ոչ թե դեկտեմբերին, այլ՝ ավելի ուշ։
Այս մասին այսօր Ազգային ժողովում լրագրողների հետ ճեպազրույցում ասաց պատգամավորն՝ ի պատասխան ԱԺ ՀՅԴ-ական պատգամավոր Սպարտակ Սեյրանյանի այն դիտարկմանը, որ մինչ այս պահը չի լսել մեկ հոդաբաշխ նախադասություն, թե ինչո՞ւ պետք է ԱԺ ընտրություններն անցկացնել դեկտեմբերին։
Լենա Նազարյանը նաև նկատեց, որ դեկտեմբերին այդ ընտրությունները անցկացնելը պայմանավորված է հանրային պահանջով, ուստի շեշտեց, որ ՀՀԿ-ն, ՀՅԴ-ն և «Ծառուկյան» դաշինքը պետք է հաշվի առնեն հանրային պահանջը։
Պատգամավորը նաև նշեց, որ Ընտրական օրենսգրքի բարեփոխված տարբերակն արդեն իսկ տեղադրված է e-draft.am կայքում, ուստի 15 օր անց այն արդեն կներկայացվի Ազգային ժողով։ Պատասխանելով հարցին՝ երբ է հավանական՝ վարչապետի հրաժարականը, Լենա Նազարյանը նշեց, որ թեև հստակ ժամկետ չկա, բայց, ամենայն հավանականությամբ, հրաժարականը տեղի կունենա հոկտեմբեր ամսին։
Մանրամասները՝ տեսանյութում։
