13.01.2026 | 13:26
«Եվրատեսիլ 2026» երգի մրցույթում Հայաստանը հանդես կգա երկրորդ կիսաեզրափակչում
Ավինյանը` Նոր Նորքի թաղապետի մասնակցությամբ ծեծկռտուքի մասին․ ՏԵՍԱՆՅՈՒԹ
Հասարակություն
05.05.2025 | 10:32
Երևանի քաղաքապետ Տիգրան Ավինյանն այսօր քաղաքապետարանի գործակարգավարական նիստի ընթացքում առաջին անգամ հրապարակային անդրադարձավ ապրիլի 30-ին Նոր Նորքի թաղապետ Տիգրան Տեր-Մարգարյանի մասնակցությամբ ծեծկռտուքին։
«Բռնության որևէ ձև՝ լինի ֆիզիկական, թե խոսքով, սադրանքով, մեզ համար անընդունելի է։ Երևանի քաղաքապետարանի յուրաքանչյուր աշխատակից, մասնավորապես՝ վարչական շրջանի ղեկավարները, ովքեր Երևանի քաղաքապետի ներկայացուցիչներն են տվյալ վարչական շրջանում, պարտավոր են ցուցաբերել զսպվածություն կյանքի բոլոր պարագաներում։ Սադրանքները միշտ կան, ամենուրեք են և միշտ կլինեն, անընդհատ որևէ մեկը որևէ թեմայով մի սուտ կասի, և դա, վստահաբար, կարող ենք որպես սադրանք ընդունել։ Ես դատավորի դեր չեմ ստանձնելու, կա քրեական գործ, որի էությունը ցույց է տալիս, որ կա, այնուամենայնիվ, երկրորդ կողմ»,- ասաց Ավինյանը։
Հիշեցնենք՝ մի խումբ անձանց կողմից ֆիզիկական ներգործության հատկանիշներով նախաձեռնվել է քրեական վարույթ, գործով 4 մեղադրյալ կա, այդ թվում՝ Նոր Նորքի թաղապետը։ Factor TV-ի տեղեկություններով՝ մյուս 3 մեղադրյալները թաղապետարանի աշխատակիցներ են, բոլորի նկատմամբ որպես խափանման միջոց է կիրառվել բացակայելու արգելքը։
Մանրամասները՝ տեսանյութում։
