06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Բաքվում շինծու գործերով նիստում Դավիթ Իշխանյանը հերքել է իրեն և իր եղբորը վերագրվող՝ «ադրբեջանցիների սպանություններին մասնակցելու» պնդումները
Քաղաքականություն
02.05.2025 | 21:27
Բաքվում այսօր տեղի է ունեցել Արցախի ղեկավարների և այլ պաշտոնյաների նկատմամբ հարուցված շինծու քրեական գործերով դատական հերթական նիստը։ Ադրբեջանական լրատվամիջոցների հաղորդմամբ՝ դատավարության ընթացքում, այսպես կոչված, «տուժողները» ցուցմունք են տվել հիմնականում Գարադաղլի գյուղի իրադարձությունների վերաբերյալ։
Դատավարության ընթացքում, իբր, ուսումնասիրվել է մի փաստաթուղթ, որը հաստատում է Արցախի ԱԺ նախագահ Դավիթ Իշխանյանի և նրա եղբոր՝ Գրիգորի Իշխանյանի մասնակցությունը «Գարադաղլի գյուղի ֆերմայի հրետակոծությանը և 1991 թվականի հունիսի 27-28-ին ադրբեջանցի խաղաղ բնակիչների սպանությանը»։
Ներկայացվել է ոմն Էմիլ Բալայանի՝ դեռևս 1991 թվականի հունիսի 28-ին քննությանը տված նախնական ցուցմունքը։ Բալայանն ասել է, թե «ինչպես են ադրբեջանցիները պատրաստվել իրենց բնակության վայրի Գարադաղլի գյուղի ֆերմայի վրա հարձակման»՝ նշելով, որ հարձակվողները, իրենից բացի, եղել են նաև մի շարք այլ անձինք, այդ թվում, իբր, Դավիթ Իշխանյանն ու նրա եղբայրը՝ Գրիգորի Իշխանյանը։
Դավիթ Իշխանյանը հերքել է իր և եղբոր մասնակցությունը Գարադաղլիի իրադարձություններին։
Հաջորդ դատական նիստը նշանակվել է մայիսի 5-ին։
Թարգմանությունը՝ Էմմա Չոբանյանի
