12.01.2026 | 01:05
«Բարսելոնան» հաղթեց «Ռեալին» ու դարձավ Իսպանիայի սուպերգավաթակիր․ ՏԵՍԱՆՅՈՒԹ
Վատիկանում ծխնելույզ է տեղադրվել Սիքստինյան կապելլայի վրա` Հռոմի պապի ընտրության համար
02.05.2025 | 20:51
Վատիկանի աշխատակիցները Սիքստինյան կապելլայի տանիքին ծխնելույզ են բարձրացրել, որը կօգտագործվի Հռոմի Ֆրանցիսկոս պապի իրավահաջորդին ընտրելու համար կոնկլավի ժամանակ քվեաթերթիկներն այրելու նպատակով, գրում է Reuters-ը։
Սև ծուխը կնշանակի քվեարկության ձախողումը, սպիտակը՝ 267-րդ Հռոմի պապի ընտրությունը։
Ծխնելույզը հստակ երևում է մոտակա Սուրբ Պետրոսի հրապարակից, որտեղ հազարավոր մարդիկ են հավաքվելու կոնկլավի ժամանակ՝ տեսնելու, թե ինչպես է ընթանում կարդինալների մասնակցությամբ գաղտնի քվեարկությունը։
Հռոմի կաթոլիկ եկեղեցու կարդինալները մայիսի 7-ից կհավաքվեն գաղտնի կոնկլավի՝ կաթոլիկ եկեղեցու նոր առաջնորդ ընտրելու համար։
Ֆրանցիսկոս պապը, որը մահացել էր ապրիլի 21-ին, կաթոլիկ քահանայապետն էր 2013 թվականից՝ առաջին Ամերիկայից։ Ակնկալվում է, որ մոտ 133 կարդինալներ, որոնց մոտ 80%-ը նշանակվել է Ֆրանցիսկոսի կողմից, կքվեարկեն նրա հաջորդի ընտրության հարցում։
Վերջին երկու կոնկլավները, որոնք անցկացվել են 2005 և 2013 թվականներին, ավարտվել են քվեարկության երկրորդ օրը։
Թարգմանությունը՝ Էմմա Չոբանյանի
