18.02.2026 | 23:28
Ստեփանծմինդա-Լարս ավտոճանապարհը փակ է
Վենսը հայտարարել է, որ հաջորդ 100 օրվա ընթացքում ԱՄՆ-ը կաշխատի մերձեցնել ՌԴ-ի և Ուկրաինայի դիրքորոշումները
Քաղաքականություն
01.05.2025 | 20:12
ԱՄՆ փոխնախագահ Ջեյ Դի Վենսը հայտարարել է, որ Ուկրաինայի և Ռուսաստանի միջև «շատ մեծ անդունդ» կա պատերազմի ավարտի նրանց պատկերացումների հարցում, ուստի ԱՄՆ նախագահ Դոնալդ Թրամփի վարչակազմը կաշխատի «փորձել այդ կողմերին մերձեցնել»։ Այս մասին նա ասել է Fox news-ի հետ զրույցում։
Հարցին՝ ի՞նչ փուլում են Ռուսաստանի և Ուկրաինայի հետ բանակցությունները, Վենսը պատասխանել է. «Ռուսաստան-Ուկրաինա հակամարտությունը լուծելու առաջին և անհրաժեշտ քայլը յուրաքանչյուրի կողմից խաղաղության առաջարկի ներկայացումն է։ Եվ դա իրականում տեղի է ունեցել։ Ուկրաինացիներն ասել են՝ «Սա է այն, ինչ մենք ուզում ենք»։ Ռուսներն ասել են՝ «Սա է այն, ինչ մենք ուզում ենք»։ Եվ հիմա դիվանագիտության աշխատանքն այն է, որ փորձենք այս երկու կողմերին ինչ-որ կերպ մերձեցնել։ Որովհետև շատ մեծ անդունդ կա ռուսների և ուկրաինացիների ցանկությունների միջև»։
Նա նաև հավելել է, որ ունեն առաջին քայլը։
«Մենք ներկայացրել և հրապարակել ենք խաղաղության առաջարկ, և շատ ջանասիրաբար աշխատելու ենք հաջորդ 100 օրերի ընթացքում՝ կողմերի դիրքորոշումները մերձեցնելու համար»,- ասել է ԱՄՆ փոխնախագահը։
Ըստ լրատվամիջոցների՝ Թրամփի վարչակազմը Փարիզում Ուկրաինային է հանձնել մեկ էջանոց փաստաթուղթ, որը ներկայացվել է որպես խաղաղ կարգավորման «վերջնական առաջարկ»։ Ըստ դրա՝ ԱՄՆ-ը պատրաստ է ճանաչել Ռուսաստանի վերահսկողությունը ուկրաինական Ղրիմի նկատմամբ և մեղմացնել Մոսկվայի դեմ պատժամիջոցները։
Ուկրաինայի նախագահ Վլադիմիր Զելենսկին էլ հայտարարել էր, որ Միացյալ Նահանգները Լոնդոնում կայացած բանակցությունների ժամանակ առաջարկել է իր ռազմավարությունն ուկրաինական տարածքների վերաբերյալ, սակայն նշել, որ ԱՄՆ-ի առաջարկից հետո «հայտնվել է մեկ այլ փաստաթուղթ»։
Թարգմանությունը՝ Էմմա Չոբանյանի
